Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Қозоғистоннинг янги элчиси Ўзбекистонда ўз вазифасини бажаришга киришди

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Қозоғистоннинг янги элчиси Ўзбекистонда ўз вазифасини бажаришга киришди

Ўзбекистон ташқи ишлар вазири Владимир Норов бугун Қозоғистоннинг янги тайинланган элчиси Бейбут Атамқуловни қабул қилди, деб хабар бермоқда “Дунё” АА мухбири.

ТИВ маълумотига кўра, учрашув вазирга элчининг ишонч ёрлиқлари нусхаларини тақдим этиш маросими билан бошланди. Вазир элчини лавозимга киришгани билан табриклади ва касбий фаолиятида муваффақиятлар тилади.

Суҳбат чоғида Ўзбекистон-Қозоғистон яхши қўшничилик, стратегик шериклик ва иттифоқчилик муносабатларини янада мустаҳкамлаш билан боғлиқ масалалар муҳокама қилинди.

Олий даражада эришилган келишувларнинг ижроси кўриб чиқилди. Томонлар режалаштирилган ташрифлар ва қўшма тадбирларга тайёргарлик кўриш, шунингдек, Қозоғистон делегациясининг Самарқанд шаҳрида ўтказиладиган Туркий давлатлар ташкилотининг бўлажак саммити, Марказий Осиё ва Европа Иттифоқи Ташқи ишлар вазирларининг учрашуви, “Европа Иттифоқи – Марказий Осиё” барқарор ўзаро алоқадорлик бўйича биринчи минтақавий конференциядаги иштироки юзасидан фикр алмашдилар.

Ўзаро савдо жадал ривожланаётгани мамнуният билан қайд этилди. Томонларнинг савдо айланмасини янада ошириш, саноат, энергетика, транспорт ва логистика, қишлоқ хўжалиги ва бошқа соҳаларда инвестиция лойиҳаларини амалга ошириш бўйича биргаликда чора-тадбирлар кўришга тайёрлиги маълум қилинди.

Икки мамлакат ҳудудлари ўртасидаги алоқаларни рағбатлантириш ва мустаҳкамлаш муҳимлиги қайд этилди.

Халқаро ташкилотлар доирасидаги ҳамкорликни давом эттириш бўйича келишувга эришилди.

Ўзбекистон ва Қозоғистон ўртасида маданий-гуманитар алоқаларни фаоллаштириш тарафдори экани таъкидланди. Шу нуқтаи назардан, жорий йилнинг ноябрь ойида Қозоғистонда Ўзбекистон маданияти кунларига тайёргарлик масалалари муҳокама қилинди.

Эслатиб ўтамиз, Бейбут Атамқулов Қозоғистоннинг таниқли давлат арбоби. У 58 ёшда, бир қатор хорижий мамлакатларда бош консул ва элчи бўлган. У вазир лавозимларида, шу жумладан 2018-2019 йилларда – ташқи ишлар вазири бўлиб фаолият юритган. Ўзбекистонга тайинланишидан олдин у саноат ва инфратузилмани ривожлантириш вазири бўлган.

Бейбут Атамқулов август ойида Қозоғистоннинг Туркистон вилоятига ҳоким этиб тайинланган Дархан Сатибалди ўрнини эгаллади.

Қозоғистоннинг янги элчиси Тошкентга жўнаб кетишдан олдин уни Президент Касим-Жомарт Токаев қабул қилиб, Ўзбекистон билан стратегик шериклик ва иттифоқчилик муносабатларини янада чуқурлаштириш, шунингдек, икки мамлакат ўртасида яхши қўшничилик алоқалари мустаҳкамлаш муҳимлигини таъкидлади.

(“Дунё” АА)