“А” йўлакда ҳаракатланганлик учун жавобгарлик белгиланадиган қонун қуйи палатада қабул қилинди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Парламент қуйи палатасининг мажлисида “Ўзбекистон Республикасининг Маъмурий жавобгарлик тўғрисидаги кодексига жамоат транспортидан фойдаланиш самарадорлигини оширишга қаратилган қўшимча ва ўзгартиришлар киритиш ҳақида”ги қонун лойиҳаси иккинчи ўқишда кўриб чиқилди.
Қонунчиликда йўналишли транспорт воситалари учун алоҳида ажратилган тасмаси бор йўлдан бошқа транспорт воситаларининг ҳаракатлангани учун жавобгарлик назарда тутилмагани жамоат транспорти қатнови мунтазамлиги ва жамоат транспортининг эркин ҳаракатланишига салбий таъсир кўрсатмоқда, — деди маърузачи депутат Улуғбек Қобулов. — Мазкур қонун лойиҳаси билан Ўзбекистон Республикасининг Маъмурий жавобгарлик тўғрисидаги кодексига транспорт воситалари ҳайдовчиларининг йўналишли транспорт воситалари учун алоҳида ажратилган тасмаси бор йўлдан ҳаракатлангани учун жавобгарлик белгиланмоқда. Бунда алоҳида ажратилган тасмаси бор йўлдан тезкор ва махсус хизматларнинг транспорт воситалари ҳаракатлангани, ёндош ҳудуднинг кириш ёки чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ҳаракатланганлик, йўналишли транспорт воситалари ҳаракатига халақит бермаслик шарти билан йўлга чиқиш, қатнов қисмининг четки ўнг томонида йўловчиларни чиқариш ва тушириш учун ҳаракатланганлик учун жавобгарлик назарда тутилмайди.
Шунингдек, депутат қонун лойиҳасини иккинчи ўқишга тайёрлаш давомида берилган таклифлар инобатга олингани, айрим нормаларга ўзгартиришлар киритилгани, лингвистик-таҳририй тузатишлар киритилгани бўйича ҳам маълумотлар бериб ўтди.
Таъкидланганидек, қонун лойиҳасининг қабул қилиниши жамоат транспортида йўловчиларга сифатли ва қулай хизмат кўрсатилишини ташкил этиш ва жамоат транспорти ҳаракати устуворлигини ҳамда йўлларда ҳаракат хавфсизлигини таъминлашга хизмат қилади.
Муҳокамаларда сўз олган депутатлар айрим саволларни ўртага ташлади. Савол-жавоблардан сўнг қонун лойиҳаси иккинчи ўқишда қабул қилинди.
