Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Америка хайрия жамғармаси Ўзбекистоннинг Барқарор ривожланиш мақсадларига эришиш борасидаги саъй-ҳаракатларини қўллаб-қувватлайди

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori O'zbekiston Respublikasi Prezidenti saylovlari - 2021 O’zbekiston Respublikasi Prezidenti saylovlari - 2021 Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Америка хайрия жамғармаси Ўзбекистоннинг Барқарор ривожланиш мақсадларига эришиш борасидаги саъй-ҳаракатларини қўллаб-қувватлайди

Ўзбекистоннинг АҚШдаги элчихонасида иқлим ўзгариши ва Орол денгизининг қуриши оқибатларини юмшатиш борасидаги саъй-ҳаракатларни халқаро даражада қўллаб-қувватлаш масалалари муҳокама қилинди, деб хабар бермоқда «Дунё» АА мухбири.

Ўзбекистонлик дипломатларнинг «UN Foundation» («БМТ жамғармаси») хайрия ташкилоти катта вице-президенти Питер Йэо билан бўлиб ўтган музокаралари чоғида ўзаро ҳамкорликни чуқурлаштириш истиқболлари кўриб чиқилди.

Жамғарма раҳбариятига Оролбўйи минтақасини ривожлантиришнинг устувор йўналишлари, иқлим ўзгариши ва Орол денгизи қуриши оқибатларини юмшатиш, Қорақалпоғистон аҳолисининг экологик, ижтимоий-иқтисодий аҳволи ва турмуш шароитини яхшилаш борасидаги саъй-ҳаракатлар халқаро миқёсда қўллаб-қувватланишининг аҳамияти ҳақида батафсил маълумот берилди. Давлатимиз раҳбари БМТ Бош Ассамблеяси сессияларида бу масалага бир неча бор тўхталгани, халқаро саммитларда муҳим таклифларни илгари сургани алоҳида таъкидланди. Хусусан, 2021 йил май ойида БМТ Бош Ассамблеяси Президент Шавкат Мирзиёев ташаббуси билан Оролбўйи минтақасини экологик инновациялар ва технологиялар зонаси, деб эълон қилиш тўғрисидаги резолюцияни қабул қилди.

Бундан ташқари, мамлакатимиз ҳукумати дунёдаги энг жиддий экологик офатлардан бирининг салбий оқибатларини камайтириш бўйича амалий ишларни амалга оширмоқда. Жумладан, сўнгги йилларда денгизнинг қуриган тубидаги 1,5 миллион гектар майдонда ўрмонзорлар ташкил этилди. Бундан ташқари, жорий йилда қўшимча 100 минг гектар майдонга чўл ўсимликларини экиш режалаштирилган.

Ўз навбатида, Питер Йэо Ўзбекистон томонидан Оролбўйи флораси ва фаунасини тиклаш ва маҳаллий аҳолини қўллаб-қувватлаш бўйича кўрилаётган чора-тадбирларни юқори баҳолар экан, глобал донорлар ҳамжамияти ва АҚШ хусусий секторининг Қорақалпоғистонда, шу жумладан, Оролбўйи минтақаси учун инсон хавфсизлиги бўйича кўпшериклик траст фонди доирасида лойиҳаларни амалга оширишдаги иштирокини рағбатлантиришга тайёр эканлигини билдирди. Хусусан, ҳосилдорликни ошириш ва сув ресурсларидан янада самарали фойдаланиш, қурғоқчилик ва тупроқ шўрланишига чидамли ем-хашак ва қишлоқ хўжалиги экинларининг янги мослаштирилган навларини яратиш мақсадида минтақада янги технологиялар ва ноу-хауларни жорий этиш юзасидан жамғарма билан ҳамкорлик қилиш имконияти мавжудлиги қайд этилди.

Бундан ташқари, БМТ жамғармаси вакили томонидан Термиз шаҳридаги логистика марказининг ташкилотга ва унинг ҳамкор тузилмаларига Афғонистонда давом этаётган гуманитар инқироздан зарар кўрган аҳолига инсонпарварлик ёрдамини етказиш имкониятларини ўрганишга ҳам қизиқиш билдирди.

Петер Йэо, шунингдек, 2022 йил апрель ойида сўнгги йилларда Ўзбекистонда амалга оширилган ислоҳотлар ва муваффақиятлар билан танишиш учун Жамғарма АҚШ Конгресси Вакиллар палатасининг тегишли қўмиталари билан биргаликда республикага келиш ниятида эканини маълум қилди. Сафар давомида Ўзбекистонда сўнгги йилларда амалга оширилган ислоҳотлар ва тараққиёт, хусусан, БМТнинг Барқарор ривожланиш мақсадларига (БРМ) эришиш борасида амалга оширилган ишлар билан танишиш режалаштирилган.

Эслатиб ўтамиз, Бирлашган Миллатлар Ташкилоти жамғармаси («UN Foundation») 1998 йилда ташкил этилган. Жамғарма қароргоҳи Вашингтон шаҳрида жойлашган. Ушбу Халқаро хайрия ташкилотининг асосий фаолияти барқарор ривожланиш ва иқлим ўзгариши, глобал соғлиқни сақлаш ва инсон ҳуқуқларини ҳимоя қилиш соҳасидаги муаммоларни ҳал қилишда БМТнинг қўллаб-қувватлашини кенгайтириш учун маблағ йиғиш, ташаббуслар, кампаниялар, давлат-хусусий шериклиги, жамоалар ва касаба уюшмаларини тарғиб қилишга қаратилган. Жамғарма турли хил хайрия, корпоратив, ҳукумат ва хусусий донорлар томонидан қўллаб-қувватланади.

«Дунё» АА