Брюсселда «Ўзбекистон – Европа Иттифоқи» Ҳамкорлик кенгашининг навбатдаги йиғилиши бўлиб ўтди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Кеча Брюссел шаҳрида «Ўзбекистон Республикаси – Европа Иттифоқи» Ҳамкорлик кенгашининг 16-йиғилиши бўлиб ўтди. Тадбирда Ташқи ишлар вазири Абдулазиз Камилов бошчилигидаги мамлакатимиз делегация иштирок этди, деб хабар бермоқда «Дунё» АА мухбири.
ТИВ маълумотига кўра, ЕИ делегациясига Кенгашнинг ҳамраиси сифатида Португалия ташқи ишлар вазири Аугусто Сантуш Силва раҳбарлик қилди.
Тадбир давомида Европа томони Ўзбекистонда адлия, ички ишлар, инсон ҳуқуқлари ва қонун устуворлигини таъминлаш соҳаларида амалга оширилаётган ислоҳотларни олқишлади.
Ўзбекистон-Европа муносабатларининг бугунги ҳолати, қўшма дастурларни амалга ошириш, ҳамкорликнинг янги йўналишлари, шунингдек, бўлажак учрашувлар жадвали юзасидан фикр алмашилди. Кенгайтирилган шериклик ва ҳамкорлик тўғрисидаги битим бўйича музокараларни тезроқ якунлаш муҳимлиги қайд этилди.
Иқтисодий алоқаларни жадаллаштириш, жумладан, савдо тўсиқларини бартараф этиш, минтақалараро ўзаро боғлиқликни ривожлантириш, қайта тикланадиган энергетикани қўллаб-қувватлаш, молиявий-техник ёрдам кўрсатиш, сайёҳлик ва таълим алмашинувларини жадаллаштириш масалаларига алоҳида эътибор қаратилди.
Европа Иттифоқи делегацияси Ўзбекистоннинг ташқи сиёсати ва унинг натижаси ўлароқ Марказий Осиёда шаклланган ўзаро англашув ва яхши қўшничилик муҳитини юксак баҳолади. Расмий Брюсселнинг «Европа Иттифоқи - Марказий Осиё» шаклида минтақалараро ҳамкорликни мустаҳкамлашга тайёрлиги маълум қилинди.
Мажлис иштирокчилари Афғонистондаги вазиятни, шунингдек, афғон халқига гуманитар ёрдам кўрсатиш масалаларини ҳам муҳокама қилдилар.
Музокаралар якунида ОАВ учун қўшма матбуот анжумани бўлиб ўтди.
Эслатиб ўтамиз, 15 ноябрь куни Брюсселда Ўзбекистон - Европа Иттифоқи музокаралари бошланди. Унда Ўзбекистон ташқи ишлар вазири Абдулазиз Комилов бошчилигидаги делегация иштирок этмоқда.
/«Дунё» АА/.
