Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Бухоро халқаро аэропорти энди 650 кишига хизмат кўрсатади

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi Parlament saylovlari 2019 yil Parlament saylovlari 2019 yil O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Бухоро халқаро аэропорти энди 650 кишига хизмат кўрсатади

Коронавирус пандемияси муайян вақтга Ўзбекистон аэропортларида, жумладан, йирик ҳаво дарвозалардан бири Бухоро халқаро аэропортида авиақатновларни тўхтатиб қўйди. Аммо авиакорхонанинг ўзида иш давом этди.

Гап шундаки, карантин бошлангандан буён ўтган уч ойда бу ерда бош пудратчи “Муҳташам қурилиш монтаж” бинокорлик корхонаси эски йўловчи терминалини реконструкция ва модернизация қилиш лойиҳасини амалга оширди.

– Бунёдкорлик ишлари самарасида соҳа меъёр ва талабларига жавоб бермагани сабаб қарийб тўққиз йилдан буён бўш турган собиқ терминал биноси замонавий иншоотга айлантирилди, – деди “Бухоро” халқаро аэропорти директорининг ёрдамчиси Сайфиддин Бадриддинов. –Қурилиш ва таъмирлаш ишларига ҳамда объектни тегишли ускуна ва аппаратлар билан жиҳозлашга авиакорхонамиз томонидан 1 миллиард 450 миллион сўмлик маблағ сарфланди. Иншоот аэропортимиз муҳташам мажмуасининг меъморий қиёфасига жуда уйғунлашган.

Таъкидлаш керак, гарчи 2011 йил октябрида аэропортда соатига 400 йўловчига хизмат кўрсатадиган халқаро мақомга мос ва хос терминал қурилган бўлсада, вақт ўтиб боргани сайин у эҳтиёжни қондирмаётган эди. Негаки, сайёҳлик мавсуми авжига чиққанда, аэропорт бир пайтнинг ўзида икки, ҳатто тўрттагача қатновни қабул қилишига ёки рейсни жўнатишига тўғри кела бошлади. Шундай кезларда назорат -ўтказиш пунктларида узундан- узун навбатда туришлар, багажларни самолётга юклаш ва тушириш ишлари чўзилиб кетиши одатий ҳолга айланди. Соатига 150 кишига хизмат кўрсатган собиқ терминалнинг ўтказиш қуввати 250 тага оширилгани, кузатиш ва кутиш залларида барча қулайликлар яратилгани боис, эндиликда юқоридаги муаммолар бўлмайди.

Яна муҳим бир жиҳати, янги замонавий терминал чегара ва божхона хизматлари ишлари учун зарур ускуналар билан жиҳозланган. Бу ерда, ногиронлиги бўлган кишилар учун ҳам тегишли қулайликлар муҳайё. Шунингдек, янги бинода йўловчиларга сервис хизматлари кўрсатиш нуқталари: дўконлар, қаҳвахона ва бошқа хизмат пунктлари жойлаштирилган.

Хуллас, Бухоро халқаро аэропорти эндиликда соатига 650 йўловчига хизмат кўрсата олади.

Бухороликлар ва вилоят меҳмонларига карантин тугаб, фаол авиақатновлар йўлга қўйилса, аэровокзал янги терминалидаги қулайликлар манзур бўлиши, шубҳасиз. Бу кунлар тобора яқинлашмоқда.

UzA