ЧЕГАРА МАСАЛАЛАРИ НИМА БЎЛАДИ? КОМИЛОВ: “ҲАЁТ МУРАККАБ...”
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Ташқи ишлар вазири Абдулазиз Комилов имзоланган ҳужжатлар устида узоқ ва пухта ишланганини билдирди ва журналист саволига қуйидагича жавоб қайтарди...
Аввал хабар берганимиздек, 10–11 ноябрь кунлари Самарқанд шаҳрида БМТ шафелигида ўтказилган “Марказий Осиё: Ягона тарих ва умумий келажак, барқарор ривожланиш ва тараққиёт йўлидаги ҳамкорлик” мавзуидаги халқаро конференцияда Ўзбекистон Республикаси, Қозоғистон Республикаси ва Туркманистон ўртасида уч давлатнинг чегаралари туташган нуқтаси жойлашган ўрнини аниқлаш ва унинг ҳудудида давлат чегараларини делимитация қилиш мақсадида уч томонлама ҳужжат имзоланди.
Бугун, 11 ноябрь куни Халқаро конференция ишининг якуни юзасидан ўтказилган Матбуот анжуманида Ўзбекистон Республикаси Ташқи ишлар вазири Абдулазиз Комиловга “Qalampir.uz” сайти раҳбари Қамариддин Шайхов қуйидаги савол билан мурожаат қилди:
“Учала мамлакат ўртасида бирор муаммо чиқгудек бўлса, бу чегара юзасидан имзоланган янги ҳужжатга таъсир ўтказадими?”
Ўзбекистон Республикаси Ташқи ишлар вазири Абдулазиз Комилов ушбу ҳужжатлар устида узоқ ва пухта ишланганини айтар экан, саволга қуйидагича жавоб қайтарди:
Мамлакатлар ўртасида қандайдир тушунмовчилик ва муаммо чиқса, бу ҳужжатга ҳеч қандай таъсири бўлмайди. Уч томонлама шартнома мисолида олиб қарасак, шартнома икки давлат эмас, уч мамлакат ўртасида имзоланди. Бу ҳужжатлар ратификация қилингандан сўнг, биз уларни БМТга юборамиз. Бу эса ҳужжатни халқаро жиҳатдан кафолатлайди ва, шубҳасиз, буни бузишга ҳеч кимнинг ҳаққи йўқ.
Чегараларни делимитация қилиш — бу жуда мураккаб ва жуда оғир жараён. Биз Қирғизистон билан 85 фоиз чегарамизни келишиб, делимитациядан ўтказдик. Лекин 15 фоизи қолди, бироқ бу ҳам осон иш эмас. Келажакда бу борадаги ҳамкорликни давом эттирамиз.
Юқорида таъкидлаб ўтганимдек, чегара қисмларининг жуда оғир ҳудудлари бор. Қирғизистоннинг ичкарисида кичик-кичик анклавлар бор ва у ерда ўзбек аҳолиси яшайди. Хўш, нима қилиш керак? Тўғридан тўғри йўл йўқ, ё йўл очишимиз керак, ё ўзаро келушувга бориш керак. Уларнинг манфаатларини Ўзбекистон ҳимоя қилиши лозим.
Бу ерда гап фақат чегара эмас, 1 нафарми, 5 нафарми, ўша ердаги Ўзбекистон фуқаролари ҳақида кетяпти. Биз уларнинг манфаатларини ҳимоя қилиб, керакли шароитларни яратиб беришимиз керак.
Албатта, имзоланган ҳужжатлар юзасидан шубҳалар туғилиши табиий. Бу ҳужжатларни кичик гуруҳ имзолаётгани йўқ. Биринчидан, ҳукумат иштироки бор. Иккинчидан, бу ҳужжат парламентдан ратификациядан ўтади. Учинчидан, ҳужжат БМТга топширилади. БМТ эса шубҳа уйғонмаслигига кафолат беради. Ҳаёт мураккаб, буёғини кўрамиз...”
