Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Чет эл фуқаролари ва фуқаролиги бўлмаган шахсларнинг ҳуқуқий ҳолати тўғрисидаги қонунда қандай янги нормалар белгиланяпти?

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi Parlament saylovlari 2019 yil Parlament saylovlari 2019 yil O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Чет эл фуқаролари ва фуқаролиги бўлмаган шахсларнинг ҳуқуқий ҳолати тўғрисидаги қонунда қандай янги нормалар белгиланяпти?

Ўзбекистон Олий Мажлиси Қонунчилик палатасининг навбатдаги мажлисида «Ўзбекистон Республикасида чет эл фуқаролари ва фуқаролиги бўлмаган шахсларнинг ҳуқуқий мақоми тўғрисида»ги қонун лойиҳаси иккинчи ўқишда муҳокама қилинди, деб хабар бермоқда «Дунё» АА мухбири

Парламент қўйи палатаси маълум қилишича, қонун лойиҳасида шу кунгача кўпчиликни қизиқтириб келаётган чет эл фуқаролари ва фуқаролиги бўлмаган шахсларнинг юртимиздаги асосий ҳуқуқлари, эркинликлари ва мажбуриятлари, шунингдек, сиёсий бошпана бериш масалалари аниқ нормаларда акс эттирилмоқда.

Бугунги кунда бу соҳада қонун даражасига эга бўлмаган 25 дан ортиқ тартибга солувчи ҳужжат мавжуд бўлиб, буларнинг ҳаммаси яхлит қонунда ўз аксини топмоқда.

Ҳар қандай чет эл фуқароси ёки фуқаролиги бўлмаган шахс бирор бир давлатга сармоя киритиш, туризм, меҳнат фаолиятини юритиш, таълим олиш ёки бошқа мақсадларда бормоқчи бўлса, ўзининг ўша юртда қонун билан белгиланган ҳуқуқлари, эркинликлари ва мажбуриятларини билишни истайди.

Мазкур қонун лойиҳасининг қабул қилиниши, чет эл фуқаролари ва фуқаролиги бўлмаган шахсларнинг юртимиздаги ҳуқуқлари, эркинликлари ва қонуний манфаатларини ягона ҳужжатдан билиб олиш имкониятини яратади.

Лойиҳада Ўзбекистон ҳудудида доимий яшайдиган чет эл фуқаросининг ва фуқаролиги бўлмаган шахснинг идентификацияловчи ID-картаси ҳамда чет эл фуқаролари ва фуқаролиги бўлмаган шахслар Ўзбекистон Республикасининг қонунчилигига ҳамда халқаро шартномаларига мувофиқ Ўзбекистон Республикаси ҳудудига кириш (ундан чиқиш) ва унинг ҳудудида бўлиш ҳуқуқини берувчи ҳаракатланиш ҳужжатлари тушунчалари киритилмоқда.

Таклиф этилаётган ушбу ҳужжатда 1966 йил 16 декабрда қабул қилинган «Фуқаролик ва сиёсий ҳуқуқлар тўғрисида»ги Халқаро пактнинг ва 1961 йил 14 апрелдаги «Дипломатик алоқалар тўғрисида»ги Вена Конвенциясининг қоидалари ҳисобга олинган.

Чет эл фуқаролари ва фуқаролиги бўлмаган шахсларнинг халқаро ҳужжатлар билан белгиланган асосий ҳуқуқ ва эркинликлари миллий қонунчиликда ўз ифодасини топиши натижасида, юртимизга хориждан юқори малакали мутахассисларнинг, инвесторларнинг ҳамда сайёҳларнинг оқими ортишига замин яратади.

Қонун лойиҳаси депутатлар томонидан иккинчи ўқишда қабул қилинди.

«Дунё» АА