«Deutsche Allgemeine Zeitung» газетаси Ўзбекистоннинг янгиланган Конституцияси ҳақида
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
«Deutsche Allgemeine Zeitung» (DAZ) газетаси саҳифасида ватандошимиз, юридик фанлар доктори Фарангиз Авазбекова қаламига мансуб “Янгиланган Конституция – Ўзбекистон сайлов тизимининг ҳуқуқий асосидир” сарлавҳали мақола чоп этилди, деб хабар бермоқда “Дунё” АА мухбири.
Унда сиёсий, давлатчилик ва ҳуқуқий соҳаларни босқичма-босқич модернизациялаш натижасида Ўзбекистонда юксак демократик талабларга жавоб берадиган сайлов тизими яратилгани қайд этилган.
Хусусан, мақолада сўнгги беш йилда сайлов қонунчилигини изчил такомиллаштириш сифат жиҳатидан янги босқичга кўтарилгани, сайлов қонунчилиги умумэътироф этилган халқаро тамойиллар, нуфузли халқаро ташкилотларнинг тавсиялари ва кенг жамоатчилик фикри асосида такомиллаштирилгани алоҳида таъкидланган.
Муаллифнинг фикр билдиришича, Ўзбекистон миллий сайлов қонунчилигининг ўзига хос жиҳати сайлов тартиб-таомилларига оид барча меъёрларни кодификациялашдан иборат. “Ўз навбатида, сайлов кодекси фуқаролар сайлов ҳуқуқларининг амалга оширилишини таъминлаш, сайлов ҳуқуқининг ижтимоий, иқтисодий, сиёсий, мавкуравий ва ҳуқуқий кафолатларини мустаҳкамлаш учун зарур шароит ва механизмларни яратиш бўйича ҳуқуқий меъёрларни ўз ичига олади. Овоз бериш ҳуқуқи кодификацияланишидан олдин ушбу тизимда бешта параллел қонун мавжуд эди”, деб ёзади «Deutsche Allgemeine Zeitung».
Газета хабар берганидек, Ўзбекистон сайлов кодексида илк бор хорижда истиқомат қилаётган ватандошларни, улар консуллик рўйхатидан ўтган ёки ўтмаганлигидан қатъий назар сайловчилар рўйхатига киритиш тартиби белгиланган, шунингдек, хорижда истиқомат қилаётган Ўзбекистон фуқароларининг яшаш ёки иш жойларида ташкил этилган сайёр сайлов пунктлари орқали овоз беришнинг ҳуқуқий асослари мустаҳкамлаб қўйилган.
Бундан ташқари, мақолада сайлов қонунчилиги ногиронларга овоз бериш орқали мамлакат ижтимоий-сиёсий ҳаётида иштирок этиш ҳуқуқидан фойдаланиш имконини берувчи барча механизмларни ўз ичига олгани ҳам қайд этилган.
Эслатиб ўтамиз: «Deutschе Allgemeine Zeitung» (DAZ) газетаси 1966 йилда Қозоғистоннинг Олмаота шаҳрида ташкил этилган. У Марказий Осиё давлатларида истиқомат қилувчи немис этник гуруҳининг ягона газетаси ҳисобланади. Газета икки тилда ҳафтада бир маротаба чоп этилади. Адади – 1 минг нусхадан зиёд.
“Дунё” АА
