Dilshod Axatov Yangi Zelandiya Elchisi bilan uchrashdi
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Tashqi ishlar vaziri o‘rinbosari Dilshod Axatov Yangi Zelandiyaning Favqulodda va Muxtor Elchisi (qarorgohi Moskva shahrida) Ien Aleksandr Hill bilan uchrashdi, deb xabar qilmoqda.
Siyosiy, savdo-iqtisodiy, investitsiya, turizm, madaniy-gumanitar va boshqa sohalarda O‘zbekiston – Yangi Zelandiya munosabatlarining istiqbollari muhokama qilindi, o‘zaro hamkorlikni sifat jihatdan yuqori darajaga ko‘tarish uchun yangi yo‘nalishlarni birgalikda izlashga ikki tomon ham tayyorligi tasdiqlandi.
Hamkorlikning shartnomaviy-huquqiy bazasini kengaytirish umumiy kun tartibining muhim vazifasi hisoblanishi ta’kidlandi.
Savdo aylanmasi hajmlarini oshirish, qishloq xo‘jaligi, muqobil elektroenergetika, turizm, ta’lim, axborot-kommunikatsiya texnologiyalari va ilmiy tadqiqotlar sohalarida qo‘shma investitsiya loyihalarini ro‘yobga chiqarish mexanizmlarining amaliy jihatlari to‘g‘risida fikr almashildi.
Suhbatda xalqaro tashkilot va tuzilmalar, jumladan BMT doirasidagi hamkorlik masalalari ham muhokama qilindi
O‘zbekistonda diplomatik missiyasini yakunlayotgani munosabati bilan Elchiga mamlakatlarimiz o‘rtasidagi hamkorlikni mustahkamlashga qo‘shgan shaxsiy hissasi uchun minnatdorchilik bildirildi.
Ien Aleksandr Hill o‘z navbatida O‘zbekistondagi faoliyati doimiy ravishda qo‘llab-quvatlangani uchun minnatdorchilik izhor etdi.
O‘zA