Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Dolzarb qonun loyihalari ko‘rib chiqildi

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori O'zbekiston Respublikasi Prezidenti saylovlari - 2021 O’zbekiston Respublikasi Prezidenti saylovlari - 2021 Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Dolzarb qonun loyihalari ko‘rib chiqildi

15-aprel kuni O‘zbekiston Respublikasi Oliy Majlisi Qonunchilik palatasining navbatdagi majlisi bo‘lib o‘tdi.

Deputatlar ijtimoiy-iqtisodiy sohani yanada takomillashtirishga, xalqaro aloqalarni mustahkamlashga qaratilgan bir qator qonun loyihalarini ko‘rib chiqdilar.

Parlament a’zolari o‘z ishlarini O‘zbekiston Respublikasi Vazirlar Mahkamasi tomonidan qonunchilik tashabbusi tartibida Qonunchilik palatasiga kiritilgan yangi tahrirdagi “Elektron tijorat to‘g‘risida”gi qonun loyihasini ikkinchi o‘qishda muhokama qilishdan boshladilar.

Mazkur qonun loyihasi Vazirlar Mahkamasining mamlakatimizni 2013-yilda ijtimoiy-iqtisodiy rivojlantirish yakunlari va 2014-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan majlisida belgilangan vazifalar doirasida ishlab chiqilganligi ta’kidlab o‘tildi.

Qonun loyihasini tayyorlash jarayonida Axborot va kommunikatsiya texnologiyalari masalalari qo‘mitasi huzurida tuzilgan ishchi guruhi tomonidan nazariyotchi olimlar, yuqori malakali mutaxassis va ekspertlar ishtirokida 10 dan ortiq tadbirlar, jamoatchilik muhokamalari o‘tkazildi. Bundan tashqari, qonun loyihasining matni Qonunchilik palatasining rasmiy veb-saytida hamda “norma.uz” yuridik-axborot portalida joylashtirilib, ekspertlarning, jamoatchilikning taklif va fikr-mulohazalari olindi. Qonun loyihasi kelib tushgan takliflar asosida yanada maromiga yetkazilib, takomillashtirildi, jahondagi rivojlangan mamlakatlarning qonunchilik yo‘li bilan tartibga solishga doir ijobiy tajribasi o‘rganildi.

Ta’kidlandiki, hozirgi vaqtda O‘zbekiston Respublikasida davlat organlari va xo‘jalik yurituvchi subyektlar faoliyatiga, shuningdek, fuqarolarning kundalik turmushiga axborot texnologiyalarini keng joriy etishga katta e’tibor qaratilmoqda. Xususan, bank xizmatlari, elektron to‘lovlarning yangi turlarini hayotga tatbiq etish orqali to‘lov amaliyotining yanada soddalashuviga erishilmoqda.

Qabul qilinayotgan qonun loyihasi tadbirkorlikni rivojlantirish va ishbilarmonlik muhitini yaxshilash uchun qo‘shimcha sharoitlar yaratish imkonini beradi, elektron tijoratni yanada rivojlantirishga, elektron savdoda zamonaviy axborot-kommunikatsiya texnologiyalarini joriy etishga, bitimlarni tuzish tartib-taomillarini soddalashtirishga, elektron tijorat ishtirokchilari huquqlarini ro‘yobga chiqarishning huquqiy mexanizmlarini o‘rnatish va himoya qilishga xizmat qiladi.

Mazkur huquqiy hujjatning muhokamasi mutaxassislar, tadbirkorlar, olimlar va jamoatchilikning fikrlari inobatga olingan holda qiziqarli va erkin munozara ruhida o‘tdi.

Moddama-modda muhokamadan so‘ng mas’ul qo‘mitaga qonun loyihasining ayrim normalarini maromiga yetkazish va uni deputatlar uchinchi o‘qishda ko‘rib chiqishlari uchun kiritish topshirildi.

Deputatlar, shuningdek, bir qator xalqaro hujjatlarni ratifikatsiya qilish to‘g‘risidagi qonun loyihalarini hamda Qonunchilik palatasi vakolatiga taalluqli boshqa masalalarni ham muhokama qildilar.

O‘zbekiston Respublikasi Oliy Majlisi
Qonunchilik palatasining
Axborot xizmati

www.uza.uz