Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Душанбеда Ўзбекистон – Тожикистон Ҳукуматлараро комиссиясининг навбатдаги мажлиси бўлиб ўтди

Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O'zbekiston Respublikasi Prezidenti saylovlari O’zbekiston Respublikasi Prezidenti saylovlari Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Душанбеда Ўзбекистон – Тожикистон Ҳукуматлараро комиссиясининг навбатдаги мажлиси бўлиб ўтди

Кеча Душанбе шаҳрида Савдо-иқтисодий ҳамкорлик бўйича Ўзбекистон – Тожикистон Ҳукуматлараро комиссиясининг навбатдаги мажлиси бўлиб ўтди, деб хабар бермоқда «Дунё» АА мухбири

Вазирлар Маҳкамаси матбуот хизмати маълумотига кўра, Ўзбекистон Бош вазири Абдулла Арипов ва Тожикистон Бош вазири Қоҳир Расулзода раислигида ўтган мажлисда давлатларимиз раҳбарларининг оқилона ва узоқни кўзлаб юритаётган сиёсати туфайли мамлакатларимиз ўртасидаги ўзаро манфаатли ҳамкорлик бугунги кунда бутунлай янги босқичга кўтарилгани, Олий даражадаги ўзаро ташрифлар кўп қиррали ҳамкорликнинг янги йўналишларини очаётгани алоҳида таъкидланди.

Қайд этилганидек, Тожикистон Президентининг Ўзбекистонга бўлажак расмий ташрифи давлатларимиз ўртасида стратегик шерикликни янада мустаҳкамлашда катта тарихий аҳамиятга эга бўлади.

Мажлисда ушбу ташриф кун тартибини аниқ амалий мазмун билан тўлдириш, режалаштирилган барча тадбирларни юқори савияда амалга ошириш масалаларига алоҳида эътибор қаратилди.

Ҳукуматлараро комиссия мажлисида шунингдек, савдо-иқтисодий, транспорт-коммуникация, энергетика, маданий-гуманитар, қишлоқ ва сув хўжалиги соҳаларида ҳамда ҳудудлараро ҳамкорликнинг бугунги ҳолати ва истиқболлари муҳокама қилинди.

Тожикистон Ўзбекистоннинг муҳим савдо ҳамкорларидан бири ҳисобланади. Кейинги 5 йилда мамлакатларимиз ўртасидаги товар айирбошлаш ҳажми 2,5 баробардан ошди. Жорий йилнинг ўтган даврида 35 фоизга ошиб, 180 миллион доллардан зиёдни ташкил этди.

Давлат раҳбарлари томонидан Ҳукуматлар олдига ўзаро товар айирбошлаш ҳажмини 1 миллиард долларга етказиш вазифаси қўйилган. Бунинг учун барча имкониятлар, фойдаланилмаган улкан захиралар мавжуд.

Учрашув якунида Савдо-иқтисодий ҳамкорлик бўйича Ўзбекистон – Тожикистон Ҳукуматлараро комиссиясининг 9-мажлиси баёни имзоланди.

«Дунё» АА