Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Elim deb, yurtim deb, yonib yashaganni el ulugʻlaydi

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Elim deb, yurtim deb, yonib yashaganni el ulugʻlaydi

Mustaqilligimiz asoschisi, Birinchi Prezidentimiz Islom Karimovning xotirasi qalbimizda mangu yashaydi. U kishining ezgu ishlarini esga olish, porloq xotirasi oldida taʼzim bajo keltirish barchamiz uchun farz. Zero, bu ulugʻ inson yurtimiz taraqqiyoti, xalqimiz farovonligi yoʻlida amalga oshirgan ishlar qadri vaqt oʻtgan sayin oshib boraveradi.

Mustaqilligimiz meʼmori, buyuk davlat arbobi Islom Karimovdan xalqimizga ozod va obod Vatan qoldi. Birinchi Prezidentimizning mardlik, vatanparvarlik, adolatparvarlik, fidoyilik, samimiylik va mehribonlik kabi olijanob fazilatlari barchamiz uchun yorqin ibrat maktabi boʻlib qoldi. U kishi mangu qoʻnim topgan Samarqanddagi Hazrati Xizr majmuasi bugun nafaqat yurtdoshlarimiz, balki dunyodagi barcha tinchliksevar insonlarning ziyoratgohiga aylandi.

Fargʻonaliklar yurtimizning barcha hududlaridagi singari vodiyning mustaqillik yillaridagi gullab-yashnashi, insonlar turmush farovonligining yuksalishini aynan Islom Karimov nomi bilan bogʻlaydilar. Ayniqsa, u kishining fargʻonaliklarga mehri boʻlakcha edi.

Fargʻona shahridagi muhtasham Teatr-konsert saroyiga Birinchi Prezidentimizning nomi berilgani butun Fargʻona ahlini behad quvontirdi.

Sharq va Gʻarb meʼmorchiligi anʼanalarini uygʻunlashtirgan ushbu ulugʻvor koshona uzoqdan koʻlda suzib yurgan oqqushni eslatadi. Uning milliy uslubda bezatilgan eshik va ustunlari, sahna tegrasidagi rango-rang yoritgichlar, tomosha zali uzra osmon gumbazining bir parchasi tasvirlangan manzara, boshqa yana bir qancha qulayliklar bu saroy yaxlit bir muhtasham sanʼat asari ekanini namoyon etadi. Saroy joylashgan maydonda toʻrtta favvora, sugʻorish va tashqi yoritish tizimlari, noyob daraxtlar va anvoyi gullar hamisha atrofga chiroy baxsh etib turadi.

Fargʻonadagi ulkan bunyodkorlik ishlarining bosh meʼmori – Islom Karimovdir. 2011 yilda boshlangan Fargʻona shahrining bosh rejasini amalga oshirish ishlari shahar qiyofasini butunlay oʻzgartirib, odamlar dunyoqarashini kengaytirdi. Bugun fargʻonaliklar Birinchi Prezidentimizning ezgu ishlarini faxr bilan tilga oladi.

2 sentyabr kuni erta tongda mazkur Teatr-konsert saroyi xiyobonida Oʻzbekiston Respublikasi Birinchi Prezidenti Islom Karimov xotirasiga ehson oshi berildi. Bu yerga tashkilotlar, korxona va muassasalarda ishlab bugungi kunda qarilik gashtini surayotgan tabarruk otaxonlar, jamoatchilik vakillari keldi. Islom Karimovning xotirasi yodga olinib, Qurʼon tilovat qilindi.

www.uza.uz