Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

HUSHYOR BO‘LGAN DOG‘DA QOLMAYDI

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
HUSHYOR BO‘LGAN DOG‘DA QOLMAYDI

O‘zbekiston Respublikasi Vazirlar Mahkamasining 2011-yil 18-noyabrdagi “Har yili yong‘in xavfsizligi oyligini o‘tkazish to‘g‘risida”gi qaroriga muvofiq joriy yilning 20-noyabridan 20-dekabriga qadar mamlakatimizda yong‘in xavfsizligi oyligi o‘tkazilmoqda.

“Jizzax hududiy elektr tarmoqlari korxonasi” aksiyadorlik jamiyatida ham oylikni uyushqoqlik bilan o‘tkazishga alohida e’tibor qaratilayotir.

– Aholi va xalq xo‘jaligi inshootlarini elektr energiyasi bilan uzluksiz ta’minlash maqsadida katta hajmda qurilish-ta’mirlash ishlari amalga oshirilayotgani tarmoqning benuqson ishlashiga xizmat qilmoqda, – deydi “Jizzax hududiy elektr tarmoqlari korxonasi” aksiyadorlik jamiyati bosh direktori Baxtiyor Ibrohimov. – O‘zbekiston Respublikasi Vazirlar Mahkamasining manzilli dasturiga muvofiq, viloyat elektr ta’minoti tarmoqlarida joriy yilning o‘tgan davrida qariyb 7 milliard so‘mlik qurilish-ta’mirlash ishlari bajarildi. 8,3 kilometr yangi elektr tarmoqlari qurildi. Namunaviy uy-joylar qurilayotgan 15 yangi massivda tashqi elektr ta’minoti uchun 12,9 kilometr elektr uzatish tarmog‘i qurilib, 12 transformator o‘rnatildi. Buning uchun 1 milliard so‘mlikdan ortiq qurilish-montaj ishlari bajarildi.

Korxonada qish mavsumiga tayyorgarlik ko‘rish yuzasidan ishlab chiqilgan chora-tadbirlar rejasi asosida 4 ming kilometrdan ziyod elektr tarmoqlari, mingdan ziyod yuqori kuchlanishdagi transformator, nimstansiya va transformator punkti joriy va mukammal ta’mirlandi. 28 transformator yuqori quvvatlisiga almashtirildi.

Qish mavsumini betalafot o‘tkazish, iste’molchilarni elektr energiyasi bilan uzluksiz ta’minlash maqsadida elektr ta’minoti xodimlaridan iborat 17 tezkor brigada, 23 maxsus avtomashina shay holatga keltirildi.

Amalga oshirilayotgan bunday keng ko‘lamli ishlar iste’molchilarga elektr energiyasini barqaror yetkazib berishni ta’minlash bilan birga, yong‘in xavfining oldini olishda ham muhim ahamiyat kasb etmoqda.

– Har yili o‘tkazilayotgan yong‘in xavfsizligi oyligi bajarilgan ishlarni yana bir bor tahlil qilib, kamchiliklarni bartarf etishda muhim davr hisoblanadi, – deydi korxona mustahkamlik va xavfsizlik texnikasi xizmati boshlig‘i A.Ahmedov. – Bu yil ham shu talablardan kelib chiqib, korxona tizimidagi barcha tarmoqlarda texnik xavfsizlik talablariga qat’iy rioya qilinishini ta’minlashga harakat qilmoqdamiz. Tezkor xavfsizlik nazorati guruhi tomonidan barcha hududlarda elektr energiyasidan foydalanish qoidalariga rioya qilinishi o‘rganib chiqilmoqda.

Elektr energiyasidan foydalanishda yong‘in va texnik xavfsizlik qoidalarini iste’molchilarga tushuntirish uchun avvalo mutaxassisning o‘zi yetarli bilim va malakaga ega bo‘lishi lozim. Shu maqsadda viloyat elektr tarmoqlari korxonalarida xodimlar bilan yong‘in va texnik xavfsizlik qoidalari bo‘yicha o‘quv-seminarlari, mashg‘ulotlar o‘tkazilib, yong‘in xavfsizligi burchaklari tashkil etildi.

Shahar va tumanlarda faoliyat olib borayotgan tezkor xavfsizlik nazorati guruhlari tarmoqqa noqonuniy ulanish, tekshirilmagan, nostandart elektr uskunalaridan foydalanish yong‘in kelib chiqishiga asosiy sabab bo‘lishini hisobga olib, bunday holatlarni bartaraf etishga alohida e’tibor qaratayotir. Bu borada o‘tkazilgan reydlar davomida yigirmadan ortiq nostandart isitish moslamalari yo‘q qilindi. Shuningdek, qurilish inshootlarida vaqtincha yashash, ovqatlanish joylariga o‘rnatilgan yong‘in va texnik xavfsizlik talablariga javob bermaydigan yoritish-isitish qurilmalari tarmoqdan uzilib, tegishli tartibda chora ko‘rildi.

Korxona mutaxassislari tomonidan olib borilayotgan targ‘ibot-tushuntirish ishlarida Yangi yil bayramini bexatar o‘tkazishga ham alohida e’tibor qaratilayotir. Jumladan, bezak chiroqlarini o‘rnatish qoidalari, ayniqsa, bolalar bilan bayram tadbirlari o‘tkazishda ularni yong‘in xavflaridan asrash to‘g‘risida tushuntirish ishlari kuchaytirilmoqda.

O‘zA