Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Инсон ҳуқуқлари бўйича Ўзбекистон Миллий маркази директори ва Туркия Бош омбудсмани ўзаро манфаатли ҳамкорлик истиқболларини муҳокама қилди

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori O'zbekiston Respublikasi Prezidenti saylovlari - 2021 O’zbekiston Respublikasi Prezidenti saylovlari - 2021 Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Инсон ҳуқуқлари бўйича Ўзбекистон Миллий маркази директори ва Туркия Бош омбудсмани ўзаро манфаатли ҳамкорлик истиқболларини муҳокама қилди

Ўзбекистон Олий Мажлиси Қонунчилик палатаси Спикерининг биринчи ўринбосари, Инсон ҳуқуқлари бўйича Ўзбекистон Миллий маркази директори Акмал Саидов Туркия Бош омбудсмани Шериф Малкоч билан учрашди, деб хабар бермоқда «Дунё» АА мухбири.

Инсон ҳуқуқлари бўйича Миллий марказ ахборот хизматининг маълум қилишича, учрашувда сўнгги йилларда Ўзбекистон-Туркия муносабатлари икки томонлама ва кўп томонлама ҳамкорлик доирасида изчил ривожланиб бараётгани қайд этилди. Олий ва юқори даражадаги, хусусан, парламентлар, вазирлик ва идоралар, ишбилармон ва илмий-академик доиралар, шунингдек, вилоятлар ўртасидаги алоқалар тобора мунтазамлик касб этиб бормоқда.

Ўзбекистон Президенти Шавкат Мирзиёевнинг – Туркияга, Туркия Президенти Режеп Таййип Эрдоғаннинг мамлакатимизга амалга оширган ташрифлари икки томонлама муносабатларнинг ривожига кенг йўл очиб бергани таъкидланди.

Акмал Саидов Инсон ҳуқуқлари бўйича Ўзбекистон Миллий маркази билан Туркиянинг Омбудсман институти ўртасидаги ўзаро ҳамкорлик алоқалари 2018 йилдан буён изчил амалга оширилаётганини қайд этди. Кейинги икки йилда ҳар икки ташкилот раҳбарларининг ўзаро ташрифлари янада фаоллашди.

Шериф Малкоч Туркия ва Ўзбекистон ўртасидаги дўстона муносабатлар ҳақида сўз юритар экан, халқларимизнинг тили, маданияти ва дини бир эканини таъкидлади. Ўзбекистон нафақат туркий дунё маданияти ва маънавияти, илм-фани ва маърифати юксалишига, балки бутун жаҳон цивилизацияси ривожига улкан ҳисса қўшган улуғ алломалар юрти эканига урғу берар экан, мамлакатда ёшлар таълим-тарбиясига катта эътибор қаратилаётганини эътироф этди.

Туркия Бош омбудсмани шу йил 12-13 август кунлари мамлакатимизда ўтказиладиган Ёшлар ҳуқуқлари бўйича жаҳон конференцияси ҳамда ноябрь ойида ташкил этиладиган Марказий Осиё мамлакатларининг инсон ҳуқуқлари бўйича миллий институтлари кенгашида иштирок этиш учун таклиф этилди. Меҳмон таклифни миннатдорлик билан қабул қилди.

Мулоқотда томонлар ўртасидаги ўзаро манфаатли ҳамкорлик муносабатларини янги босқичга кўтариш истиқболлари ҳам муҳокама қилинди. Хусусан, Инсон ҳуқуқлари бўйича Ўзбекистон Республикаси Миллий маркази билан Туркиянинг Омбудсман институти ўртасида ўзаро англашув тўғрисида меморандум имзолаш масаласи кўриб чиқилди.

Шунингдек, Ўзбекистон ва Туркия ўртасида инсон ҳуқуқлари соҳасида ахборот алмашишни янада ривожлантириш хусусида фикр юритилди. Айниқса, инсон ҳуқуқлари бўйича миллий институтлар фаолиятига доир масалалар юзасидан мунтазам ахборот алмашишнинг муҳимлиги таъкидланди.

Маълумот учун: Туркиянинг Омбудсман институти 2012 йилда ташкил топган. Унинг асосий мақсади давлат бошқаруви органлари устидан келиб тушадиган шикоятларни мустақил ва самарали тарзда кўриб чиқиш ҳамда Туркия Парламентига ҳисобот беришдир.

Шериф Малкоч бошчилигидаги Туркия делегацияси Иқтисодий ҳамкорлик ташкилотига аъзо давлатларнинг коррупцияга қарши курашиш идоралари ва омбудсманларининг Тошкентда бўлиб ўтаётган 4-йиғилишида иштирок этиш учун Ўзбекистонда бўлиб турибди.

/«Дунё» АА/.