ИТСВ: Тошкент шаҳрида Ўзбекистон-Австрия муносабатларини янада кенгайтириш истиқболлари муҳокама қилинди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон бош вазирининг ўринбосари - инвестициялар ва ташқи савдо вазири Сардор Умурзоқов кеча Тошкент шаҳрида Австриянинг Европа ва ташқи ишлар федерал вазири Михаэл Линхарт билан учрашди, деб хабар бермоқда «Дунё» АА мухбири.
Инвестициялар ва ташқи савдо вазирлиги (ИТСВ) маълумотига кўра, мулоқот чоғида Ўзбекистон-Австрия муносабатларининг муҳим масалалари, жумладан, сиёсий, савдо-иқтисодий, маданий-гуманитар соҳалардаги ҳамкорликнинг бугунги ҳолати ва уни кенгайтириш истиқболлари юзасидан фикр алмашилди.
Инвестициявий ҳамкорликни кенгайтириш масалалари муҳокама қилинди. Томонлар ўзбек ва австриялик тадбиркорлар ўртасида шериклик муносабатларини ўрнатиш ва қўшма инвестиция лойиҳалари сонини ошириш учун энг қулай шарт-шароитлар яратиш мақсадида яқиндан ҳамкорлик қилишга келишиб олдилар.
Икки томонлама савдо ҳажмини ошириш имкониятлари кўриб чиқилди. 2020 йил якунларига кўра, Ўзбекистон-Австрия товар айланмасининг ўсиши олдинги йилга нисбатан 53,6% ни ташкил этгани қайд этилди. Бу борадаги ишларни янада фаоллаштиришга ўзаро қизиқиш билдирилди.
Шу нуқтаи назардан, Ўзбекистонни Европа Иттифоқининг “GSP+” Преференциялар бош тизими бенефициари мақомини олишда қўллаб-қувватлагани учун Австрия томонига миннатдорчилик билдирилди. Ўзаро савдони кенгайтириш учун очилаётган ушбу имкониятлардан келиб чиққан ҳолда янги муносабатларни ўрнатиш мақсадида икки мамлакат ишбилармон доираларини яқинлаштириш бўйича келгусида ҳамкорлик қилиш шакллари белгиланди.
Шунингдек, мулоқот чоғида Ўзбекистон Республикаси ва Австрия Республикаси ўртасидаги Ҳукуматлараро комиссиянинг навбатдаги йиғилишига тайёргарлик кўриш масалалари муҳокама қилинди. Қўшма лойиҳалар ва савдо битимларини амалга ошириш бўйича аниқ келишувларни назарда тутган ҳолда йиғилиш кун тартибини амалий мазмун билан тўлдиришга доир биргаликдаги саъй-ҳаракатлар белгилаб олинди.
Учрашув якунида кўриб чиқилган ҳамкорлик йўналишлари доирасида ҳамкорликни фаол давом эттиришга келишилди.
/«Дунё» АА/.
