Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Йирик инвестор ва давлат органи ўртасидаги низони олий суд кўриб чиқади

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi Parlament saylovlari 2019 yil Parlament saylovlari 2019 yil O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Йирик инвестор ва давлат органи ўртасидаги низони олий суд кўриб чиқади

Ўзбекистон Президенти томонидан 24 июль куни суд-ҳуқуқ соҳасидаги ислоҳотларнинг навбатдаги босқичини назарда тутувчи Фармон имзоланди.

Ҳужжатга мувофиқ, йирик инвесторлар ва давлат органлари ўртасида юзага келадиган инвестициявий низоларни (20 миллион доллар эквивалентидан кам бўлмаган миқдорда инвестицияни амалга оширган жисмоний ёки юридик шахслар) ва рақобатга оид ишларни кўриш бўйича судлов таркиби ташкил қилинади.
Судлов таркиби тегишли ишларни йирик инвесторларнинг ва рақобатга оид ишлар бўйича тарафларнинг хоҳишига кўра, биринчи инстанция суди сифатида кўради. Қолган инвестициявий низолар инвесторларнинг хоҳишига кўра, Қорақалпоғистон, вилоятлар ва Тошкент шаҳар суди томонидан биринчи инстанция суди сифатида кўрилиши мумкин.
Шунингдек, Олий судда аппарат раҳбари пайдо бўлади, у бошқармалар ва бўлимлар фаолиятини ташкиллаштиради ва мувофиқлаштиради. Лавозим Олий суд Пленумига ҳисобдор, Олий суд раисининг тақдимномасига асосан Олий суд Пленуми томонидан лавозимига тайинланади ҳамда лавозимидан озод этилади.
Бундан ташқари, олий суд инстанцияси тузилмасида 2 та бошқарма – суд-ҳуқуқ соҳасидаги қонунчиликни таҳлил қилиш бошқармаси, унга Судьялар олий мактабининг Суд амалиёти муаммоларини ўрганиш марказини тугатиш ҳисобидан бўшаётган 9 та штат бирликлари берилади, жамоатчилик ва ОАВ билан ҳамкорлик бошқармаси ташкил этилади. Вилоят ва унга тенглаштирилган судларда матбуот хизматлари пайдо бўлади.
Яқин икки ойда Олий Мажлисга Олий суд ва Судьялар олий кенгаши томонидан қонунчилик ташаббуси асосида ишлаб чиқилган қонун лойиҳаси келиб тушиши керак.

Лойиҳага асосан 2021 йил 1 январдан бошлаб вилоят ва унга тенглаштирилган фуқаролик ишлари бўйича, жиноят ишлари бўйича судлар ва иқтисодий судлар негизида Қорақалпоғистон Республикаси, вилоятлар ва Тошкент шаҳар умумюрисдикция судлари ташкил этилади. Бунда судьяларнинг қатъий ихтисослашуви сақлаб қолинади ва суд ишларини юритиш турлари бўйича алоҳида судлов ҳайъатлари ташкил этилади.
Маъмурий ҳуқуқбузарликлар тўғрисидаги ишларни кўриб чиқиш ваколати жиноят ишлари бўйича судларга қайтарилади (2017 йил 1 июндан бошлаб - маъмурий судлар ваколатида, таҳририят).
Қорақалпоғистон ва вилоятлар марказлари ва Тошкент шаҳрида туманлараро маъмурий судлари ташкил этилади. Шу муносабат билан туман (шаҳар) маъмурий судлари тугатилади, бироқ Қорақалпоғистон Республикаси, вилоятлар ва Тошкент шаҳар маъмурий судлари сақлаб қолинади. Амударё, Нуробод, Бойсун ва Пастдарғом туманлари иқтисодий судлари тугатилади. Фуқаролик ишлари бўйича Янгийўл туманлараро суди, фуқаролик ишлари бўйича Ургут, Сўх, Хатирчи, Пахтакор туманлари судлари, Пастдарғом туманлараро иқтисодий суди, жиноят ишлари бўйича Бўзатов, Тахиатош, Бандихон, Тупроққалъа туманлари судлари ташкил этилади;
Судьялар олий малака ҳайъатининг ҳамда ҳудудий судлар судьялари малака ҳайъатларининг қарорлари устидан Судьялар олий кенгашига шикоят қилиш мумкин.
Бундан ташқари, шунингдек келаси йилдан бошлаб суд ишларини назорат тартибида кўриш институтини тугатилади. Олий суд раиси, Бош прокурор ва улар ўринбосарларининг суднинг ҳал қилув қарорлари, ҳукмлари, ажримлари ҳамда қарорлари устидан назорат тартибида протест киритиш ҳуқуқи бекор қилинади. Жиноят ишларини судда кўриш учун тайинлаш босқичида иш юзасидан қарорларни тортишув тамойилига риоя этган ҳолда тарафлар иштирокида қабул қилиш тартиби жорий қилинади, жиноят ишининг умумий тартибда кўриб чиқилишига тўсқинлик қилувчи омилларни тезкорлик билан аниқлаш ва бартараф этиш имконини берувчи дастлабки эшитув босқичи киритилади. Суд ишини юритишнинг янги қоидалари жорий этилади.
2020 йил 1 ноябрга қадар юқорида таърифланган барча янгиликлар расмийлаштириладиган янги таҳрирдаги «Судлар тўғрисида»ги Қонун лойиҳаси ишлаб чиқилиши ва Қонунчилик палатасига киритилиши керак.

UzA