Kun xabarlari qisqa satrlarda

Sirdaryo viloyati pillakorlari joriy mavsumda 430 tonna pilla xomashyosi yetishtirish yoʻlida astoydil mehnat qilmoqda. Viloyat xotin-qizlar qoʻmitasining tashabbusi bilan Guliston tumanida pilla yetishtiruvchilar uchun amaliy targʻibot tadbiri tashkil etildi.

9 may – “Xotira va qadrlash kuni” munosabati bilan Nukus shahrida qad koʻtargan “Yurt bayrogʻi” maydoni oldida “Sharaf lentasi” aksiyasi oʻtkazildi.

* * *

Boyovut tumani Taraqqiyot SIU va Olmazor mahallasidagi Olmazor qabristoni mahalla aholisi ishtirokida oʻtkazilgan hasharda tozalandi.

* * *

Oʻzbekiston davlat sanʼat muzeyida “Oʻzbekkonsert” davlat muassasasi bilan hamkorlikda “Koʻngil taronasi” nomli koʻrgazma tashkil etildi. Koʻrgazma doirasida sanʼat ustalari bilan ijodiy kechalar, raqs shaydolari uchun mahorat darslari oʻtkazildi.

* * *

Nukus shahridagi I.Saviskiynomidagi davlat sanʼat muzeyida Oʻzbekistonda xizmat koʻrsatgan sanʼat arbobi, xalq rassomi Oʻrol Tansiqboyev tavalludining 115 yilligiga bagʻishlangan “Ona diyor kuychisi” nomli badiiy koʻrgazma ochildi.

* * *

Fargʻona viloyati tuman va shaharlaridagi bittadan kasb-hunar kollejida oʻquv jarayoniga innovatsion texnologiyalarni tatbiq etish borasida “Kelajak auditoriyalari” tashkil qilindi.

* * *

Termiz shahar Yoshlar markazi binosi yonida Ikkinchi jahon urushida matonat koʻrsatgan faxriylarimizga ehtirom ramzi sifatida“Sharaf lentasi”ni aholiga ulashish aksiyasi oʻtkazildi.

* * *

Oʻzbekiston Respublikasi Madaniyat vazirligi tomonidan YUNESKO shafeligida xalqaro jaz festivali boʻlib oʻtdi.

OʻzA