Markaziy saylov komissiyasi raisi o‘quvchilarga mahorat darsini o‘tdi
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Guliston shahridagi Halima Xudoyberdieva nomidagi ona tili va adabiyoti fanini chuqurlashtirilib o‘qitishga ixtisoslashgan maktab-internatida “Aziz el va buyuk yurt xizmatida” mavzusida mahorat darsi o‘tkazildi.
O‘zbekiston Respublikasi Markaziy saylov komissiyasi raisi Mirzo-Ulug‘bek Abdusalomov mahorat darsida ijod maktabi o‘quvchilariga qishloqda o‘tgan o‘quvchilik yillari haqida juda qiziqarli hikoyalarni, Halima Xudoyberdieva bilan oilaviy bordi-keldilari va hech qachon unutilmas do‘stona munosabatlari xotiralarini, kitob – odob va ahloq koni, barcha bilimlarning bulog‘i ekani xususida gapirib berdi.
Mirzo-Ulug‘bek Abdusalomov 1952 yil 14 fevralda Sirdaryo viloyati Xovos tumani Savot qishlog‘i (hozirda Jizzax viloyati Yangiobod tumaniga qarashli)da tug‘ilgan. 1975 yil Toshkent davlat yuridik institutini tamomlagan. Yuridik fanlari nomzodi, “O‘zbekistonda xizmat ko‘rsatgan yurist” faxriy unvoni, “Mehnat shuhrati” va “Do‘stlik” ordenlari sohibi. 2005 yil 6 maydan buyon O‘zbekiston Respublikasi Markaziy saylov komissiyasi raisi lavozimida faoliyat ko‘rsatib kelmoqda.
O‘zbekiston Respublikasi Markaziy saylov komissiyasi raisi – o‘zi olib kelgan 100 nusxadan ziyod rang-barang kitoblarni Halima Xudoyberdieva nomli ona tili va adabiyoti fanini chuqurlashtirilib o‘qitishga ixtisoslashgan maktab-internati o‘quvchilariga tuhfa qildi.
Mahorat darsi so‘ngida bolalarni qiziqtirgan ko‘plab savollariga Mirzo-Ulug‘bek Abdusalomov batafsil javob berdi.
O‘zA