Mudofaa vazirligi vakillari Qirg‘izistonda o‘tkazilgan koordinatsion komitetning XX majlisida ishtirok etdi
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Qirg‘iziston Respublikasining Cho‘lpon ota shahrida Mustaqil Davlatlar Hamdo‘stligiga a’zo mamlakatlar Qurolli Kuchlari aloqa boshliqlari koordinatsion komitetining XX majlisi bo‘lib o‘tdi.
Unda Armaniston, Belarus, Rossiya, Qozog‘iston, Qirg‘iziston, Tojikiston va O‘zbekiston Qurolli Kuchlari aloqa boshliqlari ishtirok etdi.
Bu haqda Mudofaa vazirligi Axborot va ommaviy kommunikatsiyalar departamenti O‘zAga ma’lum qildi.
Majlisni Rossiya Federatsiyasi Qurolli Kuchlari Bosh shtab boshlig‘i o‘rinbosari, aloqa Bosh boshqarmasi boshlig‘i – koordinatsion komitet raisi general-polkovnik X. Arslanov olib bordi.
Majlisda MDHga a’zo mamlakatlar Qurolli Kuchlarining hamkorlikdagi aloqa tizimini yaratish va rivojlantirish bo‘yicha amalga oshirilgan va rejalashtirilayotgan ishlar muhokama qilindi, Qurolli Kuchlar aloqa tugunlari o‘rtasida hamkorlikdagi aloqa mashg‘ulotlarini tashkil qilish va 2020 yilda uni o‘tkazish kelishib olindi.
Bundan tashqari, XX koordinatsion komitet majlisida 2020 yilda xalqaro armiya o‘yinlari doirasida o‘tkaziladigan “Ishonchli qabul” aloqa mutaxassislari musobaqasini yanada takomillashtirish bo‘yicha takliflar kiritildi va muhokama qilindi.
Komitetda ilk bor MDHga a’zo mamlakatlar mudofaa vazirlari Kengashi kotibi general-mayor Yu. Dashkin ishtirok etdi. Yu.Dashkin o‘z nutqida O‘zbekiston Respublikasi Mudofaa vazirligiga harbiy hamkorlikda qilinayotgan amaliy ishlar bo‘yicha o‘z minnatdorligini bildirdi.
Uz.A