Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

“Нью-Йорк Таймс”: “Ўзбекистон қадим-қадимдан бағрикенглик анъаналари билан шуҳрат қозониб келади”

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
“Нью-Йорк Таймс”: “Ўзбекистон қадим-қадимдан бағрикенглик анъаналари билан шуҳрат қозониб келади”

Ўзбекистон ўзининг толерантлик анъаналари билан машҳур, мамлакатда антисемитизм кўринишлари рўй бемаган, республика турли миллатлар вакиллари тинч-аҳил яшашининг намунаси ҳисобланади. “The New York Times” ўз мухбири Эндрю Хиггинс қаламига мансуб мақолада ана шундай фикрларни ўқувчиларнинг эътиборига ҳавола қилган.

Жаҳонга таниқли нашрда босилиб чиққан мазкур мақола муаллифининг қайд этишича, Бухорода иккита синагога, иврит тилидан сабоқ берадиган бошланғич мактаб, Яҳудийлар маданияти уюшмаси ҳамда 10 минг нафар яҳудий сўнгги макон топган қабристон мавжуд. Журналистнинг ёзишича, ўзининг дурдона исломий меъморий ёдгорликлари билан дунёга донг таратган ва жаҳоннинг энг кўҳна шаҳарларидан бири саналадиган Бухорода бу миллат вакиллари бугунги кунларгача маҳаллий халқ билан ўзаро тинч ва ҳамжиҳатликда яшаб келишмоқда.

Э.Хиггинснинг ёзишича, Бухородан “яҳудийларнинг кўчиши” 1990-йилларда кучайди. Шарҳловчининг фикрича, яҳудийлар, руслар ва бошқа миллат вакилларининг Ўзбекистонда мустақиллик қўлга киритилгани миллатчилик ва мусулмон экстремизмининг ўсишига олиб келишидан хавфсираши бунга сабаб бўлган. Бироқ бундай бўлмади. Ҳатто бугунги кунда республикадан кетишга ҳозирлик кўраётганлар, дея таъкидлайди муаллиф, Исроил ва Европанинг бошқа кўпгина давлатларидан фарқли ўлароқ, Ўзбекистонда мусулмонлар ва яҳудийлар ҳеч қандай келишмовчиликларсиз, ёнма-ён яшашмоқда. Нашр Бухорода истиқомат қилувчи яҳудий аёл Л.Киматованинг “Мен бу ерда ҳеч қачон антисемитизмни ҳис этмаганман”, деб айтган сўзларини қаламга олган.

Яҳудий эмигрантлари ҳеч бўлмаса мамлакатнинг бугунги қиёфасини кўриш учун қайтиб келишсин, деган мақсадда исроилликлар учун визасиз режим жорий этилди, деб ёзади Америка нашри. Шу ўринда “Нью-Йорк Таймс” Ўзбекистон Олий Мажлиси Сенати раисининг биринчи ўринбосари С.Сафоевнинг “яҳудийлар ҳамиша ўзбек жамиятининг ажралмас қисми бўлган”, деган сўзларини келтиради.

Мақолада муаллиф ўзининг Бухоро яҳудийлари ҳамжамияти президенти А.Исҳоқов билан бўлиб ўтган суҳбати ҳақида ҳам ҳикоя қилган. Ҳамжамият раҳбарининг фарзандлари ва бошқа қариндошлари Австралия, Исроил ва Америка Қўшма Штатларида истиқомат қилишар экан. Улар доимо А.Исҳоқовнинг хорижга кўчиб келишини сўрашар экан. “Бироқ бу даъватга унинг жавоби ўзгармасдан қолмоқда: “Мен бу ерда кўпроқ керакман. Бу ерда яшаш менга ҳар жиҳатдан қулай. Биз бир кўчада мусулмонлар билан ёнма-ён яшаймиз, биз ҳамиша мактабга, ишга бирга борганмиз”, дея А.Исҳоқов айтган фикрларни ёзади “The New York Times”.

“Жаҳон” АА