Нидерландиядан муносабат: Ўзбекистоннинг экологик тоза пахтадан тайёрланган маҳсулотларига дунё бозорида талаб жуда юқори
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистоннинг Бенилюкс мамлакатларидаги элчиси Дилёр Ҳакимов Нидерландиянинг «Control Union Certifications» компанияси сертификация масалалари бўйича бош ижрочи директори Йохан Марис билан видеоконференция ўтказди, деб хабар бермоқда «Дунё» АА мухбири.
Элчихона маълумотига кўра, мулоқот чоғида компаниянинг Ўзбекистондаги фаолияти ва ҳамкорликни кенгайтириш юзасидан фикр алмашилди.
«Control Union Certifications» 1920 йилда ғалла ва ем маҳсулотлари соҳасида сифатни таъминлаш ва логистика хизматларини кўрсатувчи тузилма сифатида фаолият бошлаган. Ҳозирги кунга келиб, у дунёнинг 80 та мамлакати билан ҳамкорлик қилади. 2020 йилда Нидерландия ҳукумати томонидан компанияга «Қиролича ҳурматига сазовор бўлган компания» (Royal Status) мақоми берилган. Нидерланд компанияси тўқимачилик соҳасидаги сертификация фаолиятини 2002 йилда бошлаган. Ҳозирги кунда «Control Union»нинг иккита стандарти дунёдаги энг ишончли стандартлар қаторига киритилган.
Йохан Марисга кўра, компания ўз фаолиятини Ўзбекистонда ўн йилча муқаддам бошлаган. Асосий эътибор - органик пахта етиштирувчи фермерларнинг маҳсулотига тегишли сертификат беришга қаратилмоқда.
«Америка ва Европанинг энг йирик тўқимачилик брендлари ўз ассортиментида экологик тоза пахтадан тайёрланган маҳсулотлар улушини кўпайтиришга алоҳида урғу бермоқда. Бу эса Ўзбекистон учун янги имкониятлар эшигини очади, негаки дунё бозорида экологик тоза пахта хомашёсининг жиддий танқислиги кузатилмоқда. Унинг нархи эса оддий пахтадан уч баробар юқори бўлиб турибди, - деди у.- Ўзбекистоннинг мазкур йўналишдаги салоҳиятини инобатга олган ҳолда, биз бир ярим йил муқаддам мамлакатингизда ўз ваколатхонамизни очдик».
«Ўзтўқимачиликсаноат» уюшмаси тизимига кирадиган корхоналар ходимларининг «Control Union» компаниясида малака ошириш масаласи бўйича ҳам фикр алмашилди.
Нидерланд томонига мазкур масала бўйича ҳамкорлик битимини имзолаш таклиф этилди. Компания ижрочи директори мазкур таклифни диққат билан ўрганиб чиқиб, муҳокамаларни давом эттиришга тайёрлигини маълум қилди.
Й.Марис «Control Union» компанияси Ўзбекистоннинг қишлоқ хўжалиги, балиқчилик ва заргарлик соҳалари корхоналарининг маҳсулотларини сертификатлашда иштирок этиши мумкинлиги, пировардида, уларнинг маҳсулотларини дунё бозорига чиқиши учун янги имкониятлар яратилишини таъкидлади.
/«Дунё» АА/.
