Нидерландиянинг етакчи рекрутинг агентлиги билан миграция соҳасида ҳамкорликни йўлга қўйиш имкониятлари муҳокама қилинди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон элчиси Ғайрат Фозилов Нидерландиянинг "EuroTalеnts" рекрутинг агентлиги директори Томми Кок ва агентлик ҳаммуассиси Тичо Саул билан учрашди, деб хабар қилмоқда "Дунё" АА мухбири.
Музокаралар чоғида Ўзбекистондан Нидерландияга ишчи кучини жалб қилиш, шунингдек, Ўзбекистон Вазирлар Маҳкамаси ҳузуридаги Миграция агентлиги ва "EuroTalеnts" рекрутинг агентлиги ўртасида ҳамкорлик алоқаларини ўрнатиш масалалари муҳокама қилинди.
Нидерландия вакилларига Ўзбекистонда меҳнат миграцияси соҳасида олиб борилаётган ислоҳотлар, миграцияни тартибга солишга оид мамлакат раҳбарияти томонидан қабул қилинган қарорлар тўғрисида маълумотлар берилди. Ўзбекистон Президентининг 2024 йил 17 октябрдаги "Хорижда меҳнат фаолиятини амалга ошириш жараёнларини тартибга солиш бўйича қўшимча чора-тадбирлар тўғрисида"ги қарорининг мазмун-моҳиятига алоҳида эътибор қаратилди.
Шунингдек, меҳнат миграцияси соҳаси Европа давлатлари ва Ўзбекистон ўртасидаги ҳамкорликнинг ўзаро манфаатли йўналиши эканлиги қайд этилди. Ўзбекистон бу борада Германия, Буюк Британия, Япония, Корея Республикаси, Исроил, Канада, Польша, Туркия, Саудия Арабистони, Хитой каби хорижий шериклар билан самарали ҳамкорликни йўлга қўйгани таъкидланди.
Ўзбекистон билан логистика ва транспорт, қурилиш ва инфратузилмани ривожлантириш, технология, меҳмонхона бизнеси ва тиббиёт каби соҳаларда меҳнат ресурсларини жалб қилиш соҳасида ҳамкорликни йўлга қўйишдан манфаатдор эканликларини билдирдилар.
EuroTalеnts" рекрутинг агентлиги раҳбариятининг айтишича, Бенилюкс мамлакатларидаги компаниялар хорижий ишчи кучини фақат қонуний асосда ёллашини қайд этди. Таъкидланишича, агентлик хорижий фуқароларни ёллаш жараёнининг барча босқичлари, жумладан, шартномалар тузиш, иш ҳақи, уй-жой билан таъминлаш ва қонунчиликка риоя қилиш, кадрларга бўлган эҳтиёжни ҳал этишга яқиндан кўмаклашади.
Учрашув якунида ҳамкорликнинг барча тафсилотларини муҳокама қилиш мақсадида Ўзбекистон Миграция агентлиги ва "EuroTalеnts" рекрутинг агентлиги" раҳбарияти ўртасида онлайн музокаралар ўтказиш бўйича келишувга эришилди.
