Birinchi slide Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

O‘ZBEKISTON HAQIDA YANGI HUJJATLI FILM SURATGA OLINMOQDA

2017 - Xalq bilan muloqot va inson manfaatlari yili 2017 - Xalq bilan muloqot va inson manfaatlari yili O'zbekiston Respublikasi Prezidenti saylovi - 2016 O’zbekiston Respublikasi Prezidenti saylovi - 2016 O'zbekiston Respublikasi Mustaqilligining 26 yilligi O’zbekiston Respublikasi Mustaqilligining 26 yilligi Boshqa yangiliklar va voqealar Boshqa yangiliklar va voqealar Press-relizlar Press-relizlar O`zbеkistоning IHT TIVKga raisligi O`zbеkistоning IHT TIVKga raisligi BMT Mingyillik rivojlanish maqsadlari BMT Mingyillik rivojlanish maqsadlari XMT doirasidagi xamkorlik XMT doirasidagi xamkorlik "Sharq taronalari" xalqaro festivali "Sharq taronalari" xalqaro festivali Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O‘zbekiston Xalqaro Paxta Yarmarkasi O‘zbekiston Xalqaro Paxta Yarmarkasi Sayyohlik Sayyohlik Xalqaro sanoat yarmarkasi va Kooperatsiya birjasi Xalqaro sanoat yarmarkasi va Kooperatsiya birjasi 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni
hamma resurslarni ko'rsatish
O‘ZBEKISTON HAQIDA YANGI HUJJATLI FILM SURATGA OLINMOQDA

Rossiyaning «Kultura» telekanali, O‘zbekiston elektron ommaviy axborot vositalari milliy assotsiatsiyasi va «Karavan-TV» hamkorligida "O‘zbekiston: kashf etilgan yangiliklar" nomli bir soatlik hujjatli filmni suratga olish ishlari boshlandi.

Loyiha tashkilotchilarining ma’lum qilishicha, mazkur filmda O‘zbekiston azaliy urf-odat va an’analar bilan hamohang ravishda jadal rivojlanib borayotgani haqida hikoya qilinadi. Bugun o‘tmish va zamonaviylikni o‘zida mujassam etgan uyg‘unlikni har qadamda kuzatish mumkin. Xususan, Toshkentda muqaddas islom dinining asl qadriyatlarini yanada to‘la anglashga xizmat qiladigan Islom madaniyat markazi tashkil etilmoqda. Samarqandda islom olami olim va mutafakkirlarining merosini o‘rganadigan Xalqaro ilmiy-tadqiqot markazi ochiladi. Buxorodagi 1536-yilda barpo etilgan qadimiy "Mir-Arab" madrasasida ilmu toliblar uchun zamonaviy talablarga javob beradigan sharoitlar yaratilmoqda.

"O‘zbekiston hamisha bag‘rikeng mamlakat bo‘lgan, bu yerda turli din va madaniyat vakillari tinch-totuv, ahil-inoq yashagan. Samarqanddagi Xo‘ja Doniyor maqbarasi, Toshkentdagi katoliklar cherkovi va pravoslavlarning Uspenskiy sobori bunga yorqin misol bo‘la oladi. Ushbu diniy qadamjolar bizning suratga olish rejamizga kiritilgan. Biroq hujjatli filmning asosiy g‘oyasi O‘zbekistonning boy madaniy-tarixiy merosi haqida so‘zlaydigan qadimiy yodgorliklarga bitilgan noyob yozuvlar, shuningdek, mamlakat olimlarining asrlar davomida saqlanib kelayotgan qadimgi bitiklar ma’nosini talqin qilish borasidagi mashaqqatli mehnati haqida hikoya qilishdir", deydi film rejissyori Valeriy Belov.

Film prodyuseri Firdavs Abduxoliqovning ta’kidlashicha, bu O‘zbekiston elektron ommaviy axborot vositalari milliy assotsiatsiyasining Rossiya telekompaniyalari bilan navbatdagi qo‘shma loyihasidir. "Taniqli "Masterskaya" kinokompaniyasi bilan hamkorlikda "O‘zbekiston – qumliklar gavhari", "Vaqt qumliklar aro" hujjatli filmlarini yaratish bo‘yicha qo‘shma loyihalarni amalga oshirganmiz. "Kultura" telekanali bilan hamkorlikdagi yangi film Vatanimizning mustaqillik kuniga munosib sovg‘a bo‘lishiga ishonamiz", deydi u.

"O‘zbekiston: kashf etilgan yangiliklar" hujjatli filmi Toshkent, Samarqand, Buxoro, Xiva, Termiz va boshqa shaharlarda suratga olinadi. Shuningdek, filmda noyob kino va fotohujjatlar, arxiv kadrlari, shaxsiy arxiv materiallari va muzey artefaktlaridan foydalaniladi. Filmda mashhur me’morlar, olimlar, tarixchi va xattotlar, O‘zbekistonning turli hududlarida istiqomat qiladigan oddiy odamlar bilan suhbatlar uyushtiriladi.

www.uza.uz