O‘ZBEKISTON SAYYOHLIK SALOHIYATI YEVROPA KATALOGLARIDA NAMOYISH ETILMOQDA
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
FRANKFURT-MAYN, 28 oktabr. /“Dunyo” AA/. So‘ngi yillarda O‘zbekistonning sayyohlik salohiyati va bu sohada mamlakatda amalga oshirilayotgan keng ko‘lamli islohotlar keng xorijiy jamoatchilik diqqat markazida bo‘lmoqda, deb xabar qilmoqda “Dunyo” AA muxbiri.
Yevropaning yirik oziq-ovqat savdosi tarmoqlaridan biri hisoblangan “LIDL” kompaniyasi “Lidl-Reisen.de” biznes-loyihasi doirasida barcha do‘konlari orqali tarqatiluvchi maxsus sayyohlik katalogiga O‘zbekiston bo‘yicha yangi turpaket reklamasini joyladi.
Xususan, Toshkent, Samarqand, Buxoro va Xiva shaharlari haqidagi ma’lumotlar hamda milliy hunarmandchilik namunalari aks ettirilgan axborot materialida mamlakatimiz bo‘ylab 9 kunlik sayyohlik yo‘nalishi taklif etilgan.
Masalan, “7-kun: Samarqand. Bugun siz Samarqand shahri bo‘ylab sayohat qilishni boshlaysiz. Boshqa tarixiy obidalar qatorida uchta yirik madrasadan tashkil topgan bebaho Registon maydoni, Amir Temur maqbarasi hamda matematik va astronavt Ulug‘bek rasadxonasi sizni kutmoqda”, - deb ta’rif berilgan materialda.
Ushbu sayyohlik katalogi “LIDL” do‘konlari tarmog‘ida tarqatilmoqda va kompaniyaning veb-saytiga joylashtirilgan.
Ta’kidlash joizki, 1936 yilda asos solingan “LIDL” oziq-ovqat savdosi tarmog‘i dunyo bo‘ylab 10 mingdan ortiq do‘konga ega bo‘lib, ularning asosiy qismi Yevropaning 28 mamlakati va AQShda joylashgan. Mazkur do‘konlarning barchasida maxsus sayyohlik burchagi mavjud va shu orqali kompaniya o‘zi tashkil etayotgan sayyohlik paketlarini taklif etadi.
“Dunyo” AA