O’zbekiston Tashqi ishlar vazirligi "Markaziy Osiyo – Ko’rfaz arab davlatlari hamkorlik kengashi" strategik muloqotining 2-sammitini yoritish uchun xorijiy OAV vakillarini akkreditatsiya qilish boshlanganini e’lon qildi

O’zbekiston Tashqi ishlar vazirligi 2025-yil 5-may kuni Samarqand shahrida bo’lib o’tadigan "Markaziy Osiyo – Ko’rfaz arab davlatlari hamkorlik kengashi" strategik muloqotining ikkinchi sammitini yoritish uchun xorijiy ommaviy axborot vositalari vakillarini akkreditatsiya qilish boshlanganini ma’lum qildi

TIV ma’lumotiga ko’ra, xorijiy OAV vakillarining arizalari 2025 yil 24-aprel Toshkent vaqti bilan soat 18:00 ga qadar O’zbekistonning xorijdagi diplomatik vakolatxonalari orqali yoki to’g’ridan-to’g’ri GCC2025@mfa.uz elektron manzili orqali qabul qilinadi.

Belgilangan muddatdan keyin yuborilgan murojaatlar, shuningdek zarur ma’lumotlarsiz va to’ldirilgan so’rovnomasiz arizalar ko’rib chiqish uchun qabul qilinmaydi.

Shu bilan birga, sammitni yoritishda ishtirok etish uchun xorijiy OAVning topshirgan arizalari TIV tomonidan ularning akkreditatsiya qilinganligi to’g’risidagi tasdiqnomasiz O’zbekistonga tashrif buyurish va jurnalistik faoliyati bilan shug’ullanish uchun asos bo’la olmaydi.

Qo’shimcha savollar yuzasidan TIV matbuot xizmatiga press@mfa.uz elektron pochtasi orqali murojaat qilish mumkin.