O‘ZBEKISTON VA CHEXIYA TASHQI ISHLAR VAZIRLIKLARI O‘RTASIDAGI SIYOSIY MASLAHATLASHUVLAR BO‘LIB O‘TDI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Praga shahrida O‘zbekiston-Chexiya siyosiy maslahatlashuvlarining navbatdagi raundi bo‘lib o‘tdi, deb xabar qilmoqda O’zbekiston Respublikasi Tashqi ishlar vazirligi ma’lumotiga tayanib “Dunyo” axborot agentligi.
O‘zbekiston Respublikasi delegatsiyasiga tashqi ishlar vaziri o‘rinbosari Dilshod Axatov boshchilik qildi. Chexiya Respublikasi nomidan tashqi ishlar vaziri o‘rinbosari Martin Tlapa boshchiligidagi delegatsiya ishtirok etdi.
Turli sohalarda munosabatlarni yanada rivojlantirish, xususan siyosiy muloqotni mustahkamlash, savdo-iqtisodiy, investitsiyaviy va madaniy-gumanitar hamkorlikni faollashtirish hamda hamkorlikning shartnomaviy-huquqiy bazasini kengaytirish istiqbollari muhokama qilindi. Ayrim mintaqaviy va xalqaro masalalar yuzasidan ham fikr almashildi.
Ikki mamlakat tadbirkorlari o‘rtasida aloqa o‘rnatish va kengaytirish, o‘zaro savdo va qo‘shma investitsion loyihalarni amalga oshirish uchun qulay sharoitlar yaratish orqali ikki tomonlama munosabatlarda iqtisodiy diplomatiyani faol ilgari surish to‘g‘risida kelishuvga erishildi.
Chexiya tomoni O‘zbekistonda olib borilayotgan keng ko‘lamli islohotlarni ijobiy baholadi va qo‘llab-quvvatlashga tayyor ekanligini ma’lum qildi.
Dunyo AA