Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

O‘zbekistonning tarixiy-madaniy merosi Malayziyaning yetakchi telekanalida namoyish qilindi

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi Parlament saylovlari 2019 yil Parlament saylovlari 2019 yil O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
O‘zbekistonning tarixiy-madaniy merosi Malayziyaning yetakchi telekanalida namoyish qilindi

O‘zbekistonning Malayziyadagi elchixonasi yurtimizda ziyorat turizmini rivojlantirish borasidagi ishlarni ushbu mamlakat jamoatchiligiga keng targ‘ib qilish bo‘yicha faol ish olib bormoqda. Jumladan, Malayziyaning yetakchi davlat telekanallardan bo‘lgan “TV Alhijrah”ning tonggi dasturida O‘zbekiston haqida lavha efirga uzatildi.

Telekanalning asosiy maqsadi Malayziyada va xorijda islom madaniyati va qadriyatlarini targ‘ib qilish va rivojlantirishdan iborat. Kanal tomoshabinlari 2,5 million kishini, onlayn obunachilari esa 10 million kishini tashkil qiladi. “Assalamu alaykum” dasturi eng mashhur tonggi shoulardan bo‘lib, o‘rtacha 1 million tomoshabin ko‘radi.

Lavha davomida boshlovchi tomoshabinlarni Samarqand, Buxoro, Xiva shaharlaridagi tarixiy-madaniy yodgorliklar va diqqatga sazovor joylar, Imom Buxoriy, Imom Termiziy, Ahmad Farg‘oniy, Imom Moturidiy, Bahouddin Naqshband kabi islom dini shakllanishi va rivojlanishiga ulkan hissa qo‘shgan buyuk allomalarimiz faoliyati bilan tanishtirdi.

Yakunda telekanal O‘zbekiston elchixonasi tomonidan taqdim qilingan mamlakatimizning turli mintaqalari sayyohlik salohiyatiga bag‘ishlangan “Buxoroga xush kelibsiz!”, “Xorazmni ko‘rish uchun keling” videoroliklari hamda o‘zbek milliy taomlari lavhalarini namoyish etdi.

O‘zbekiston haqidagi mazkur reportaj malayziyaliklarda katta qiziqish uyg‘otdi. Malayziyaning hatto Manukan va Sapi, Redang va Perxentian kabi eng chekka orollari aholisi ham mamlakatimiz tarixi, madaniyati, me’moriy obidalari haqidagi ma’lumotlardan boxabar bo‘ldi.

“TV Alhijrah” rahbariyati dastur muvaffaqiyatli chiqqani va malayziyaliklarning yurtimizga qiziqishi ortib borayotganini inobatga olib, yurtimizning ziyorat turizmi obyektlari va boshqa diqqatga sazovor joylari haqida bir qancha dastur va videolavhalar tayyorlashni rejalashtirmoqda.

Ma’lumot uchun: joriy yilning birinchi yarmida Malayziyadan O‘zbekistonga tashrif buyurayotgan sayyohlar oqimi 37,7 foiz oshgan. Shundan faqat iyun oyida 2,6 marta ko‘paygani qayd etilgan.

O‘zA