Олий Мажлис Сенати Раиси Парламентлараро иттифоқ Бош котибини қабул қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Олий Мажлиси Сенати Раиси Танзила Норбоева бугун Парламентлараро иттифоқ Бош котиби Мартин Чунгонг билан учрашди, деб хабар бермоқда «Дунё» АА мухбири.
Парламент юқори палатасининг маълум қилишича, учрашувда давлатимиз томонидан Барқарор ривожланиш мақсадларига (БРМ) эришишда ва инсон ҳуқуқларини, гендер тенгликни таъминлашда олиб борилаётган ишлар юзасидан тўлиқ маълумот берилди.
Парламентлараро иттифоқ Бош котиби Ўзбекистонда олиб борилаётган сиёсий, ижтимоий-иқтисодий ислоҳотларга юқори баҳо бериб, хусусан, БМТ Бош Ассамблеясининг 75-сессиясида БМТ БАнинг Барқарор ривожланиш мақсадларига эришишда ва инсон ҳуқуқларини таъминлашда парламентларнинг ролини ошириш бўйича махсус резолюциясини қабул қилиш бўйича Ўзбекистон Президентининг ташаббусини алоҳида қайд этди.
Шунингдек давлатимизнинг Барқарор ривожланиш мақсадларига эришишдаги ютуқлари, парламентнинг давлат органлари билан ҳамкорликда иш олиб бораётгани, Ўзбекистонда инсон ҳуқуқларини ҳимоя қилиш, гендер тенгликни таъминлаш бўйича амалга оширилган ишлар юқори натижалар бераётганини, Парламентлараро иттифоқ фаолиятида ҳам Ўзбекистон ўз фаоллигини намоён этаётгани алоҳида таъкидлаб ўтилди.
Мартин Чунгонг Бухорода бўлиб ўтадиган Барқарор ривожланиш мақсадларига эришишда парламентлараро глобал ҳамкорлик масалаларига бағишланган халқаро форумнинг долзарблигини қайд этди.
Суҳбат давомида мамлакатимиз БМТ резолюциялари ва қарорларининг амалий ижроси, уларни амалга ошириш бўйича ҳамкорликни ривожлантиришга алоҳида эътибор қаратиб келинаётгани, Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифалар БМТнинг Барқарор ривожланиш мақсадларига тўлиқ мос келиши таъкидланди.
Учрашувда Ўзбекистон ва Парламентлараро иттифоқ ўртасидаги ҳамкорлик билан боғлиқ бошқа масалалар ҳам кўриб чиқилди.
«Дунё» АА
