Самарқандда бўлиб ўтган "Инсон ҳуқуқлари соҳасида таълим" Глобал форумининг якуний ҳужжати БМТ Бош Ассамблеяси 77-сессиясининг расмий ҳужжати сифатида тарқатилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
2022 йил 5 – 6 декабрь кунлари Самарқандда бўлиб ўтган "Инсон ҳуқуқлари соҳасида таълим" Глобал форумининг якуний ҳужжати БМТ Бош Ассамблеяси 77-сессиясининг расмий ҳужжати сифатида тарқатилди, деб хабар бермоқда “Дунё” АА мухбири.
Ҳужжат Бирлашган Миллатлар Ташкилотининг олти расмий тилига – араб, хитой, инглиз, француз, рус ва испан тилларига таржима қилингани ҳолда БМТга аъзо барча давлатлар, унинг ихтисослашган муассасалари ўртасида тарқатилди, А/77/800 рақами остида ташкилот журнали ҳамда унинг расмий ҳужжатлар тизимига жойлаштирилди.
Ҳужжатда Инсон ҳуқуқлари умумжаҳон декларациясидан илҳомланилган ҳолда “инсоният оиласининг ҳамма аъзоларига хос қадр-қиммат ва уларнинг тенг, ажралмас ҳуқуқларини тан олиш эркинлик, адолат ва ялпи тинчлик асоси эканлиги” ҳамда “ҳар бир шахс ва жамиятнинг ҳар бир аъзоси ушбу Декларацияни доимо ёдда тутган ҳолда таълим ва тарбия орқали ушбу ҳуқуқ ва эркинликларнинг ҳурмат қилинишига кўмаклашишга таяниши лозим”лиги қайд этилган.
Сиёсат, дастур ва материалларни ишлаб чиқиш нуқтаи назаридан, Вена шаҳрида бўлиб ўтган Инсон ҳуқуқлари бўйича Бутунжаҳон конференциясидан (1993) сўнг инсон ҳуқуқлари бўйича таълим ва кадрлар тайёрлашда эришилган ютуқларни эътироф этиб, шунингдек, келгусида амалга ошириш имкониятлари ҳамда мавжуд муаммоларни ҳисобга олган ҳолда барча даражадаги институтлар ва тармоқлар қурилиши ижобий баҳоланган.
Хусусан, форум иштирокчилари жумладан, зўравонликни тарғиб қилиш ва нафратни қўзғатиш учун инсон ҳуқуқлари бўйича таълим платформаларидан фойдаланиш орқали инсон ҳуқуқларини сиёсийлаштиришга йўл қўймаслик муҳимлигини тан олишлари ҳамда инсон ҳуқуқлари бўйича таълимнинг келиб чиқиши инсоннинг ўз ҳуқуқлари моҳиятида эканлиги ҳамда улар универсал, бўлинмас, ажралмас ва бир-бири билан ўзаро боғланганлигини тасдиқлашгани қайд этилган.
Ҳужжатда инсон ҳуқуқлари бўйича таълим Ўзбекистонда инсон ҳуқуқлари маданиятини шакллантириш бўйича давлат сиёсатининг устувор йўналишларидан бири эканлигига алоҳида эътибор қаратилган. Буни Олий Мажлис томонидан 2019 йилда БМТнинг инсон ҳуқуқлари соҳасида таълим ва Кадрлар тайёрлаш тўғрисидаги Декларацияси қоидаларини амалга ошириш бўйича Миллий ҳаракат дастурининг қабул қилиниши, шунингдек, ушбу Миллий ҳаракат дастурини амалга ошириш бўйича йўл харитаси 2021 йил декабрига қадар тўлиқ бажарилганлиги яққол тасдиқлайди.
Инсон ҳуқуқлари бўйича таълим ва тарбия умуминсонийлик, бўлинмаслик ва ўзаро боғлиқлик тамойилларига мувофиқ барча инсон ҳуқуқлари ва асосий эркинликларига умумбашарий ҳурмат ва уларга риоя этилишини рағбатлантиришнинг асоси эканлигини ҳамда одамларнинг барча ишларда тўлиқ иштирокини таъминлаш учун зарур эканлигини ҳисобга олиб, уларнинг ҳаётига таъсир қилувчи қарорлар қабул қилиш жараёнлари - фуқаролик, сиёсий, иқтисодий, ижтимоий, маданий, экологик, рақамли камситиш ва бошқа инсон ҳуқуқлари бузилиши, шунингдек, зўравонлик ва можароларнинг олдини олишга таянишига эътибор қаратилган.
“Умуман олганда, инсон ҳуқуқлари соҳасида таълим ушбу муаммоларга инсон ҳуқуқлари стандартларига мос келадиган ва ҳар бир инсон тенг даражада ҳурмат ва қадр-қимматга лойиқ эканлигини тушунишга асосланган жавоб ва ечимларни аниқлашга ҳисса қўшиши қайд этилган”, дея таъкидланади БМТ Бош Ассамблеясининг расмий ҳужжатида.
