Самарқандда Туркий давлатлар ташкилоти Ташқи ишлар вазирлари кенгаши йиғилиши бўлиб ўтди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Самарқанд шаҳрида Туркий давлатлар ташкилоти Ташқи ишлар вазирлари кенгаши йиғилиши бўлиб ўтди, деб хабар қидмлқда “Дунё” АА мухбири.
ТИВ маълумотига кўра, тадбирда Ўзбекистон, Қозоғистон, Қирғизистон, Озарбайжон, Туркия, Венгрия ва Туркманистон ташқи ишлар вазирлари, ТДТ Бош котиби ҳамда ТДТ тузилмалари – ТУРКСОЙ, ТуркПА, Халқаро туркий академия, Халқаро туркий маданият ва мероси фонди раҳбарлари иштирок этдилар.
Вазирлар дўстона ва конструктив руҳда Ташкилот доирасидаги ҳамкорликнинг бугунги ҳолати ва уни янада ривожлантириш истиқболларини муҳокама қилдилар, шунингдек, минтақавий ва халқаро кун тартибидаги долзарб масалалар юзасидан фикр алмашдилар. Туркия томонининг ўтган йилда Ташкилотдаги раислиги самарали ва муваффақиятли бўлгани қайд этилди.
Иштирокчилар 2022-йил 11-ноябрь куни Самарқанд шаҳрида “Туркий цивилизациянинг янги даври: умумий тараққиёт ва фаровонликка биргаликда" мавзусида бўлиб ўтадиган ТДТ Давлат раҳбарлари кенгаши йиғилиши кун тартиби ва кўриб чиқиш учун тақдим этилаётган ҳужжатлар лойиҳаларини кўриб чиқиб, келишиб олдилар.
Ўзбекистон Ташқи ишлар вазири иштирокчиларни 2021-йилда Туркий кенгаш номи Туркий давлатлар ташкилотига ўзгартирилгандан кейинги биринчи саммит бўладиган давлат раҳбарларининг учрашувига тайёргарлик ҳақида маълумот берди.
Давлат раҳбарларининг бўлажак учрашуви туркий давлатлар ўртасидаги амалий ҳамкорликнинг янги уфқлари ва истиқболларини очишга хизмат қилади. “Туркий дунё нигоҳи – 2040” концепциясини амалга ошириш доирасида 2022-2026 йилларга мўлжалланган ТДТ стратегиясининг қабул қилиниши ушбу тадбирнинг муҳим воқеаси бўлади. Ҳужжатнинг амалда татбиқ этилиши ТДТ мамлакатлари ўртасида турли соҳаларда ўзаро ҳамкорликни йўлга қўйиш имконини беради.
Учрашувда ташқи ишлар вазирлари жаҳонда рўй бераётган воқеаларнинг жадаллиги ва халқаро муносабатлардаги ўзгаришлар ТДТни замонавий воқеликка доимий мослаштириш заруриятини тақозо этишини таъкидладилар. Иштирокчилар бугунги куннинг тобора кучайиб бораётган таҳдидларини бартараф этиш бўйича саъй-ҳаракатларни бирлаштириш мақсадида стратегик масалалар бўйича тизимли мулоқотни йўлга қўйиш зарурлигига эътибор қаратдилар.
Вазирлар ўз нутқида очиқлилик, тенглик ва ўзаро ҳурмат тамойилларига, шунингдек, ТДТ доирасидаги кўп қиррали муносабатларни кенгайтиришнинг мутлоқ тарафдори эканликларини таъкидладилар. Улар ТДТ маконида хавфсизлик ва барқарорликни сақлаш ва мустаҳкамлашнинг энг муҳим омилларидан бири Афғонистондаги вазиятни тез фурсатларда тартибга солиш ҳақидаги позицияни яна бир бор тасдиқладилар.
Вазирлар ТДТ Бош котиби ва ташкилотга қарашли халқаро тузилмалар раҳбарларининг ўтган йилдаги маълумотларини тингладилар.
Тадбир доирасида бир қатор муҳим ҳужжатлар имзоланди.
Йиғилишда ТДТнинг жорий фаолиятининг бошқа долзарб масалалари ҳам муҳокама қилинди.
Тадбир якунида ТДТга аъзо давлатлар Ташқи ишлар вазирларининг навбатдаги йиғилишини 2023-йилда Қозоғистонда ўтказиш тўғрисида қарор қабул қилинди.
(«Дунё» АА)
