SAMIMIY QUTLOVLAR

Mamlakatimiz mustaqilligining 25-yilligi munosabati bilan O‘zbekiston Respublikasi Prezidenti Islom Karimov nomiga xorijiy davlatlar va hukumatlar, nufuzli xalqaro tashkilotlar rahbarlari, taniqli jamoat arboblari, ishbilarmon va akademik doiralar vakillaridan samimiy qutlovlar kelib turibdi. Ularda davlatimiz rahbariga baxt-saodat va muvaffaqiyatlar, O‘zbekiston xalqiga tinchlik-omonlik, doimiy ravnaq hamda farovonlik kabi ezgu istaklar izhor etilgan.

Rossiya Federatsiyasi Prezidenti Vladimir Putinning maktubida shunday deyiladi:

O‘zbekiston Respublikasi Prezidenti
Islom Karimov Janobi Oliylariga

Muhtaram Islom Abdug‘aniyevich!

O‘zbekiston Respublikasi mustaqilligi e’lon qilinganligining 25-yilligi bilan Sizni samimiy muborakbod etaman.

Mamlakatingiz ijtimoiy-iqtisodiy, ilmiy-texnikaviy, gumanitar va boshqa sohalarda salmoqli yutuqlarga erishdi. O‘zbekistonning jahon maydonidagi obro‘-e’tibori benihoya yuqoridir.

Do‘stlik va o‘zaro hurmatning ezgu an’analariga tayanuvchi davlatlarimiz o‘rtasidagi munosabatlar strategik sheriklik va ittifoqchilik ruhida faol rivojlanib bormoqda. Ishonchim komilki, biz o‘zaro manfaatli ikki tomonlama hamkorlikni bundan buyon ham barcha yo‘nalishlarda mustahkamlab, dolzarb xalqaro masalalarni yechishda sa’y-harakatlarimizni samarali ravishda muvofiqlashtirib boraveramiz. Bu Rossiya va O‘zbekiston xalqlarining tub manfaatlariga javob beradi, mintaqaviy barqarorlik va xavfsizlikni ta’minlashga xizmat qiladi.

Muhtaram Islom Abdug‘aniyevich, Sizga chin qalbdan mustahkam sog‘lik va muvaffaqiyatlar, O‘zbekistonning barcha fuqarolariga baxt-saodat va ravnaq tilayman.

Ehtirom ila,

Vladimir Putin,
Rossiya Federatsiyasi Prezidenti

Shuningdek, quyidagilar o‘z tabriklarini yo‘llashgan:

Buyuk Britaniya va Shimoliy Irlandiya Birlashgan Qirolligi Qirolichasi – Elizaveta II

Yaponiya Imperatori – Akixito

Belgiyaliklar Qiroli – Filipp

Fransiya Respublikasi Prezidenti – Fransua Olland

Hindiston Respublikasi Prezidenti – Pranab Mukerji

Qozog‘iston Respublikasi Prezidenti – Nursulton Nazarboyev

Moldova Respublikasi Prezidenti – Nikolaye Timofti

Turkiya Respublikasi Prezidenti – Rejep Tayyip Erdo‘g‘on

Turkiya Respublikasi Bosh vaziri – Binali Yildirim

Chexiya Respublikasi Prezidenti – Milosh Zeman

Slovakiya Respublikasi Prezidenti – Andrey Kiska

Bolgariya Respublikasi Prezidenti – Rosen Plevneliyev

Malayziya Qiroli – Abdul Xalim Muadzam Shoh Yang di-Pertuan Agong XIV

Falastin Davlati Prezidenti, Falastin Ozodlik Tashkiloti Ijroiya Qo‘mitasi Raisi – Mahmud Abbos

Bangladesh Xalq Respublikasi Prezidenti – Abdul Hamid

Isroil Davlati Prezidenti – Reuven Rivlin

Singapur Respublikasi Prezidenti – Toni Tan Keng Yam

Birlashgan Arab Amirliklari Bosh vazirining o‘rinbosari, Ichki ishlar vaziri – Sayf bin Zoid Ol Nahayon

Belgiya parlamenti Vakillar palatasi raisi – Zigfrid Brake

Shanxay hamkorlik tashkiloti Bosh kotibi – Rashid Alimov

ShHT Mintaqaviy aksilterror tuzilmasi Ijroiya qo‘mitasi direktori – Evgeniy Sisoyev

Jahon bankining Yevropa va Markaziy Osiyo mamlakatlari bo‘yicha vitse-prezidenti – Siril Myuller

Koreya xalqaro hamkorlik agentligi (KOISA) prezidenti – Kim In Suk

Koreya Eksport-import banki raisi va prezidenti – Li Duk Xun

“Samsung Injiniring” prezidenti va bosh ijrochi direktori – Pak Chung Xim

“LUKOYL” kompaniyasi prezidenti – Vagit Alekperov

Xitoy milliy neft-gaz korporatsiyasi direktorlar kengashining raisi – Van Ilin

“Poli Teknolojiz” kompaniyasi prezidenti – Van Lin

“ZTE” korporatsiyasi prezidenti – Chjao Syanmin

“Sumitomo Korporeyshn” Boshqaruvi raisi – Kazuo Omori

“Marubeni Korporeyshn” Boshqaruvi raisi – Teruo Asada

“Mitsubisi Xitachi Pauer Sistems” Boshqaruvi raisi – Koji Tanaka

“Mitsubisi Xevi Indastriz Ltd.” prezidenti va katta ijrochi direktori – Shun’ichi Miyanaga

“Fujitsu Limited” prezidenti – Tatsuya Tanaka

“Isuzu Motors Limited” Boshqaruvi raisi va vakolatli direktori – Susumi Xosoi

“ITOChU Korporeyshn” prezidenti – Masaxiro Okafudzi

Kuvayt arab iqtisodiy taraqqiyot jamg‘armasi bosh direktori – Abdulvahob al-Badir

Evropa Ittifoqining Markaziy Osiyo bo‘yicha maxsus vakili – Peter Burian

Evropa Parlamenti deputati, Yevropa Parlamentining Markaziy Osiyo bo‘yicha delegatsiyasi raisi – Iveta Grigule

Inha universiteti prezidenti – doktor Choy Sunja

Nagoya universiteti prezidenti – Seichi Matsuo

Evropa menejment va texnologiyalar maktabi prezidenti – Yorg Roxoll

Moskva va Butun Rossiya Patriarxi – Kirill

Toshkent va O‘zbekiston Mitropoliti, O‘rta Osiyo mitropolit okrugi rahbari – Vikentiy

Qutlovlar kelishi davom etmoqda.

O’zA