Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

ШҲТ Котибиятида янги «Тошкент» зали очилди

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori O'zbekiston Respublikasi Prezidenti saylovlari - 2021 O’zbekiston Respublikasi Prezidenti saylovlari - 2021 Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
ШҲТ Котибиятида янги «Тошкент» зали очилди

ШҲТ котибияти биносида янгиланган «Тошкент» залининг тантанали очилиш маросими бўлиб ўтди, деб хабар қилмоқда «Дунё» АА мухбири.

Залнинг очилиш маросимида ШҲТга аъзо давлатлар, кузатувчи мамлакатлар дипломатия ваколатхоналари раҳбарлари, ШҲТнинг мулоқот бўйича ҳамкорлари, Хитой ташқи ишлар вазирлиги вакиллари, ЕИ ва БМТнинг Хитойдаги миссиялари етакчилари ва оммавий ахборот воситалари ходимлари иштирок этди.

ШҲТ Бош котиби Владимир Норов меҳмонларни қутлар экан, залдаги безаклар ва нақшлар Хитой бадиий академияси усталари томонидан бажарилганини таъкидлади. Зал ўзбекистонлик усталар томонидан яратилган амалий санъат буюмлари ва ўзбек рассомларининг асарлари билан безатилган. Уларда мамлакатимиз ва Тошкент шаҳрининг бой тарихи ва замонавий қиёфаси акс эттирилган. Ушбу бадиий асарлар Тошкент шаҳар ҳокимлиги, Ўзбекистон Бадиий академияси ва Ташқи ишлар вазирлиги кўмагида тайёрланган ва Пекинга етказилди.

«Тошкент» зали замонавий интерактив жиҳозлар билан ҳам жиҳозланган. Бу ерда Ўзбекистон ва Тошкент шаҳрининг тарихи, маданияти ва иқтисодий салоҳиятига оид адабиётлар ўрин олган. Залда музокаралар ва учрашувлар, шу жумладан, видеоконференциялар ўтказиш, Котибият меҳмонларини республика пойтахти ва умуман мамлакат билан таништириш учун барча имкониятлар мавжуд.

Тадбирда Ўзбекистон пойтахти Марказий Осиёнинг йирик сиёсий ва иқтисодий марказларидан бири экани таъкидланди. Тошкент дўстлик, миллатлараро ва динлараро тотувлик маркази сифатида ҳам довруғ қозонгани алоҳида қайд этилди. Тошкентда ШҲТ Давлат раҳбарлари кенгаши ва Ҳукумат раҳбарлари кенгашининг учтадан мажлиси ўтказилган. Бундан ташқари Ўзбекистон пойтахти Ташкилот шафелигидаги қатор юксак даражадаги халқаро анжуманларга мезбонлик қилган.

ШҲТ Бош котиби 2009 йилда шаҳар ўзининг 2200 йиллигини нишонлаганини айтиб ўтди. Владимир Норовнинг сўзларига кўра, бугунги кунда 2 миллион 700 минг нафар аҳоли истиқомат қилаётган Тошкент шаҳри минтақадаги энг йирик мегаполисдир. “Шарқ дарвозаси” сифати эътироф этиладиган Тошкентда 12 та театр, 22 та музей, 27 та маданият ва истироҳат боғи, 61та олий билим юрти, 24 та лицей ва 307 та мактаб фаолият юритади.

Иштирокчилар Осиёнинг бошқа шаҳарларига қараганда Тошкентда фавворалар кўплигини алоҳида эътироф этди.

Тантанали маросим доирасида Ўзбекистоннинг Хитойдаги элчиси Бахтиёр Саидов ШҲТ Котибиятига ўзбек ҳунармандларь томонидан ясалган сувенир мебель тўпламини совға қилди.

«Дунё» АА