Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

ШҲТга аъзо давлатлар делегациялари савдо-иқтисодий ва инвестициявий ҳамкорликнинг муҳим жиҳатларини муҳокама қилди

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi Parlament saylovlari 2019 yil Parlament saylovlari 2019 yil O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
ШҲТга аъзо давлатлар делегациялари савдо-иқтисодий ва инвестициявий ҳамкорликнинг муҳим жиҳатларини муҳокама қилди

Ўзбекистон инвестиция ва ташқи савдо вазирининг биринчи ўринбосари Азиз Воитов Шанхай ҳамкорлик ташкилотига (ШҲТ) аъзо давлатларнинг ташқи иқтисодий ва ташқи савдо фаолиятига масъул вазирликлари раҳбарларининг 19-йиғилишида иштирок этди, деб хабар бермоқда “Дунё” АА мухбири.

Инвестициялар ва ташқи савдо вазирлиги маълумотида қайд этилишича, видеоконференция шаклида ташкил этилган тадбир Ҳиндистон раислигида ўтказилган.

Тадбирда Ҳиндистон савдо ва саноат вазири Пиюш Гоял, Қозоғистон миллий иқтисодиёт вазирининг биринчи ўринбосари Асет Иргалиев, Хитой савдо вазири ўринбосари ва халқаро савдо музокараларида Хитой вакили ўринбосари Юй Цзяньхуа, Қирғизистон иқтисодиёт вазири ўринбосари Автандил Алибаев, Покистон савдо вазири ўринбосари Муҳаммад Хумайр Карим, Россия иқтисодий ривожланиш вазири ўринбосари Владимир Ильичев, Тожикистон иқтисодий ривожланиш ва савдо вазири ўринбосари Абдураҳмон Сафарали, Ўзбекистон инвестициялар ва ташқи савдо вазирининг биринчи ўринбосари Азиз Воитов иштирок этди.

Тадбирда ШҲТ Бош котиби Владимир Норов ва ШҲТ Ишбилармонлар кенгаши ижрочи котиби Сергей Канавский ҳам қатнашди.

Учрашув иштирокчилари минтақавий иқтисодий ҳамкорликни янада ривожлантириш билан боғлиқ масалаларни кўриб чиқиб, ШҲТ маконидаги савдо-иқтисодий, инвестициявий ҳамкорликнинг жорий ҳолати ва истиқболлари юзасидан фикр алмашди.

Делегациялар раҳбарлари ШҲТга аъзо давлатларнинг кўп томонлама Савдо-иқтисодий ҳамкорлик дастурини амалга ошириш учун 2021-2025 йилларга мўлжалланган тадбирлар режаси лойиҳасини маъқуллади. ШҲТга аъзо давлатлар ҳукумат раҳбарлари кенгашининг бўлажак йиғилиши доирасида ҳужжат лойиҳасини тасдиқлаш учун ташкилот котибиятига киритиш тавсия этилди. Бундан ташқари, йиғилиш иштирокчилари ШҲТга аъзо давлатларнинг рақамли даврда узоқ ва қишлоқ ҳудудларини ривожлантириш бўйича ҳамкорлик қилиш концепцияси лойиҳасини маъқуллади. Ҳужжатни ШҲТга аъзо давлатлар раҳбарлари кенгашининг 2020 йил 10 ноябрда ўтказилиши режалаштирилган навбатдаги йиғилишда тасдиқлаш учун котибиятга киритиш тавсия қилинди.

Шунингдек, Йиғилиш кун тартибига мувофиқ, ШҲТга аъзо давлатлар ташқи иқтисодий ва ташқи савдо фаолияти учун масъул вазирликлар раҳбарларининг COVID-19 пандемиясига жавобан чоралар кўриш ва кўп томонлама савдо тизимини қўллаб-қувватлаш чора-тадбирлари тўғрисидаги баёнотлари, ташкилотга аъзо давлатларнинг тегишли вазирликлари ўртасида микро, кичик ва ўрта бизнес соҳасида ШҲТ доирасидаги ҳамкорликни рағбатлантириш бўйича ўзаро англашув меморандумини амалга ошириш бўйича тадбирлар режаси тасдиқланди.

Камбағалликни қисқартириш ва стартапларни ривожлантириш бўйича махсус ишчи гуруҳлар тузиш бўйича ташаббусларни амалга оширишнинг амалий жиҳатлари алоҳида тартибда кўриб чиқилди.

Тадбир якунида ШҲТга аъзо давлатлар ўртасида савдо, инвестициялар, транспорт ва логистика, сайёҳлик, қишлоқ хўжалиги, саноат, энергетика, ахборот-коммуникация технологиялари, фан, экология ва атроф-муҳитни, интеллектуал мулкни муҳофаза қилиш каби соҳаларда ҳамкорликни янада мустаҳкамлаш муҳимлиги таъкидланди.

ШҲТга аъзо давлатлар ташқи иқтисодий ва ташқи савдо фаолиятига масъул вазирликлари раҳбарларининг навбатдаги йиғилиши 2021 йилда ўтказилиши маълум қилинди.

/“Дунё” АА/.