Шавкат Мирзиёев Европа тикланиш ва тараққиёт банки делегациясини қабул қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Президенти Шавкат Мирзиёев 5 март куни Европа тикланиш ва тараққиёт банки президенти Сума Чакрабарти бошчилигидаги ушбу нуфузли молиявий институт делегациясини қабул қилди.
Ўзбекистон ва ЕТТБ 2017 йилда шерикликни қайта йўлга қўйганини алоҳида таъкидлаш жоиз. Ўтган даврда банкнинг мамлакат стратегияси ва қўшма "йўл харитаси" қабул қилинди ва амалга оширилмоқда.
Янги инвестициялар ҳажми 1,1 миллиард долларга етиб, энергетика, иссиқлик ва сув таъминоти, коммуникациялар, йўл ва уй-жой қурилиши каби устувор тармоқларга йўналтирилган. Айни пайтда, ЕТТБ киритган сармоянинг учдан бир қисми хусусий сектор ташаббусларини қўллаб-қувватлашга қаратилмоқда.
Тошкентдаги ваколатхонадан ташқари банк Андижонда ўз офисини очди, жорий йилнинг охиригача Урганчда ҳам очишни режалаштирмоқда.
Давлатимиз раҳбари икки томонлама ҳамкорликда бундай юксак даражага эришилганида Сума Чакрабартининг шахсий ҳиссаси ва фаол саъй-ҳаракатларини алоҳида қайд этди.
Учрашувда узоқ муддатли истиқболга мўлжалланган амалий ҳамкорликнинг устувор йўналишлари батафсил кўриб чиқилди.
ЕТТБ президенти ушбу етакчи халқаро молиявий ташкилот Ўзбекистонда амалга оширилаётган ислоҳотлар дастурига ҳар томонлама кўмаклашишни давом эттириш ҳамда шериклик кўламини тубдан кенгайтиришга тайёр эканини билдирди.
Инфратузилмани модернизация қилиш, банк соҳаси, тўқимачилик ва саноатнинг бошқа тармоқларини ривожлантириш, кичик бизнес ташаббусларини қўллаб-қувватлаш бўйича устувор лойиҳаларни ишлаб чиқиш ва илгари суришга алоҳида эътибор қаратилди.
Шунингдек, мамлакатимиз иқтисодиётига тўғридан-тўғри инвестициялар, илғор тажриба, билим ва технологияларни жалб қилишга қаратилган қўшма тадбирларнинг режаси ва кун тартиби юзасидан фикр алмашилди.
