TANLOV NATIJALARI SARHISOB QILINDI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Poytaxtimizda axborot texnologiyalari loyihalari bo‘yicha “Intellect2All” hamda axborot xavfsizligi bo‘yicha “Cyber Security Challenge Uzbekistan” tanlovlari g‘oliblarini taqdirlash marosimi bo‘lib o‘tdi.
Axborot-kommunikatsiya texnologiyalari haftaligi doirasida o‘tkazilgan ushbu tanlovlar Yoshlar tashabbuslari markazi, Axborot texnologiyalari va kommunikatsiyalarini rivojlantirish, Oliy va o‘rta maxsus ta’lim vazirliklari, O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi, “Kamolot” yoshlar ijtimoiy harakati tomonidan tashkil etildi.
Mustaqillik yillarida mamlakatimizning Birinchi Prezidenti Islom Karimov rahnamoligida axborot-kommunikatsiya texnologiyalari sohasini rivojlantirish bo‘yicha ulkan ishlar amalga oshirildi.
Bugungi kunda kollej va litseylar, oliy ta’lim muassasalarida tahsil olayotgan o‘quvchi va talabalar zamonaviy komputer texnikasi va elektronikani puxta o‘rganmoqda. Masalan, Toshkent axborot texnologiyalari universitetida mobil aloqa, elektron muhandislik va robоt texnika, optik tolali aloqa liniyalari bo‘yicha ilmiy laboratoriyalar mavjud. Toshkent axborot texnologiyalari kasb-hunar kollejida faoliyat ko‘rsatayotgan “Samsung” servis akademiyasida mobil qurilmalar va raqamli televizorlarni ta’mirlash mutaxassislari tayyorlanmoqda.
Yoshlar axborot-kommunikatsiya texnologiyalari sohasidagi tanlov va musobaqalarda o‘z bilimini namoyish etib, biznes g‘oyalarini hayotga tatbiq etish uchun yaxshi imkoniyatga ega bo‘lmoqda.
Axborot texnologiyalari loyihalari tanlovining yakuniy bosqichida eng yaxshi 40 loyiha muallifi uch yo‘nalish bo‘yicha bahslashdi.
Veb-ishlanma nominatsiyasida Farg‘ona viloyatining “FSIX” jamoasi O‘zbekistonning diqqatga sazovor joylari suratlaridan foydalangan holda yaratilgan All360.uz veb-sahifasi uchun birinchi o‘rinni egalladi. “Mobil ilovalar” nominatsiyasida Buxoro viloyati jamoasi tomonidan yaratilgan “Bоt rabbit” ilovasi eng yaxshi deb topildi. Virtual reallik formatidagi milliy muzey – “Gallery” loyihasini yaratgan Toshkent shahri jamoasi virtual reallik ilovalari nominatsiyasi g‘olibi bo‘ldi.
Axborot xavfsizligi sohasidagi musobaqalar ham qiziqarli o‘tdi. Tanlovning yakuniy bosqichida ishtirokchilarga zamonaviy kiber makon voqeliklariga imkon qadar yaqinlashtirilgan topshiriqlar berildi. Ular sayt va serverlarning himoyasiz joylari va kamchiliklarini topib bartaraf etishi kerak bo‘ldi. Buxoro viloyatining “Wind” va “Elio” jamoalari birinchi va ikkinchi o‘rinni egalladi. Uchinchi o‘rin Toshkent shahrining “Janob robоt” jamoasiga nasib etdi.
Mazkur tanlovlar axborot-kommunikatsiya texnologiyalari hayotga keng joriy etilayotgani, yoshlarning yuqori texnologiyalarga bo‘lgan qiziqishi va dasturchilarning bu boradagi mahorati tobora ortayotganini yana bir bor namoyon etdi.
O’zA
