Тошкентда ШХТга аъзо давлатлар Ташки ишлар вазирлари кенгашининг йигилиши бўлиб ўтади
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
ТОШКЕНТ, 28 июль. /«Дунё» АА/. 28-29 июль кунлари Тошкентда Шанхай ҳамкорлик ташкилотига аъзо давлатлар Ташқи ишлар вазирлари кенгашининг навбатдаги йиғилиши юзма-юз мулоқот тарзида бўлиб ўтади, деб хабар бермоқда «Дунё» АА мухбири.
Учрашув Ўзбекистоннинг ШҲТга амалдаги раислигининг энг муҳим воқеаларидан биридир.
Тадбирда ШҲТга аъзо давлатлар ташқи ишлар вазирликлари раҳбарлари, шунингдек, ШҲТ бош котиби ва МАТТ Ижроия қўмитаси директори иштирок этади.
Йиғилишда ШҲТга аъзо давлатлар раҳбарлари кенгашининг 2022 йил 15-16 сентябрь кунлари Самарқанд шаҳрида бўлиб ўтадиган мажлисига тайёргарлик масаласига алоҳида эътибор қаратилади.
ШҲТнинг навбатдаги саммити учун салмоқли ҳужжатлар тўпламининг маъқулланиши кутилмоқда.
Улар орасида Ўзбекистон томони ташаббуси билан ишлаб чиқилган Узоқ муддатли яхши қўшничилик, дўстлик ва ҳамкорлик тўғрисидаги шартномани амалга ошириш Мажмуавий режаси, Ўзаро боғлиқликни ривожлантириш ва самарали транспорт йўлакларини яратиш бўйича ҳамкорлик концепцияси, Ишбилармон доиралар ўртасида саноат кооперациясини рағбатлантириш дастурлари, «ШҲТнинг яхши ният элчиси» фахрий унвони тўғрисидаги низом ва бошқалар бор.
ШҲТга аъзо давлат, кузатувчи давлат ва ШҲТнинг мулоқот бўйича ҳамкори мақомини олиш учун тушган аризалар кўриб чиқилади.
Вазирлар, шунингдек, ШҲТ фаолиятининг турли йўналишларидаги ҳамкорликнинг бугунги ҳолати ва уни ривожлантириш, халқаро шериклар билан институционал алоқаларни кенгайтириш истиқболларини ҳам муҳокама қилади.
Бундан ташқари, минтақавий ва глобал кун тартибининг долзарб масалалари юзасидан фикр алмашиш ҳам вазирлар йиғилишининг кун тартибидан ўрин олган.
«Дунё» АА
