Туркий давлатлар ташкилоти Инвестиция жамғармаси таъсис этилади
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

Бугун Самарқандда бўлиб ўтган Туркий давлатлар ташкилоти (ТДТ) иқтисодиёт ва савдо вазирларининг 11-йиғилиши якунлари бўйича матбуот анжумани ўтказилди, деб хабар қилмоқда “Дунё” АА мухбири.
Тадбирда Ўзбекистон Бош вазирининг ўринбосари, инвестициялар ва ташқи савдо вазири Жамшид Ходжаев ва ТДТ Бош котиби Бағдод Амреев қатнашди.
“Савдо-иқтисодий, инвестициявий ҳамкорликни янада чуқурлаштириш мақсадида Туркий давлатлар ташкилоти Инвестиция жамғармасини таъсис этиш бўйича битимнинг имзоланишини келишиб олдик. Ишонаманки, Инвестиция жамғармасини таъсис этиш кўп қиррали муносабатларимизни ривожланишида янги замин яратади”, деди Жамшид Ходжаев.
Шунингдек, Туркий давлатлар ташкилоти биринчи саммити доирасида Савдога кўмаклашиш стратегияси имзоланиши кутилаётгани, бу эса ТДТ мамлакатларида савдодаги миқдорий чекловлар ҳамда нотариф чораларни бартараф этилишига кўмаклашиши қайд этилди.
("Дунё" АА)