Жанубий Кореядан муносабат: Ташриф расмий Тошкент ва Улан-Батор ўртасидаги кўп қиррали ҳамкорликни ривожлантиришга мустаҳкам замин яратди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
"Seoul City News" журнали президенти Шин Хён Ду (Жанубий Корея) "Дунё" АА учун интервьюсида Мўғулистон Президенти Ухнаагийн Хурэлсухнинг Ўзбекистонга давом этаётган давлат ташрифи ҳақидаги фикрларини билдирди:
— Президент Ухнаагийн Хурэлсухнинг давлат ташрифи Ўзбекистон ва Мўғулистон ўртасида 1992 йилда дипломатик муносабатлар ўрнатилганидан буён амалга оширилган биринчи олий даражадаги ташрифдир. Бу, шунингдек, ўзаро муносабатлар ривожидаги муҳим босқичнинг рамзи бўлиб, ҳар икки томоннинг ҳамкорликни чуқурлаштиришга интилишидан далолат беради.
Ташриф Тошкент ва Улан-Батор ўртасидаги кўп қиррали ҳамкорликни янада ривожлантиришга замин яратди ва турли соҳалардаги шерикликнинг янги уфқларини очди.
Ўзбекистон ва Мўғулистон ўртасидаги иқтисодий ҳамкорликни кенгайтириш имкониятларини имзоланган савдо, инвестиция ва қўшма лойиҳалар бўйича келишувларда кўриш мумкин.
Масалан, Савдо, иқтисодий ва инвестициявий ҳамкорлик тўғрисидаги 2024-2026 йилларга мўлжалланган ҳукуматлараро дастури имзоланиши мамлакатлар ўртасидаги товар айирбошлаш ҳажмини оширишни назарда тутади. Бу маҳсулот турларини кенгайтириш ва етказиб бериш ҳажмини оширишни ҳам ўз ичига олади.
Икки мамлакат Савдо-саноат палаталари ўртасида кўргазмалар ўтказиш ва ўзаро ҳамкорликни фаоллаштириш режалаштирилган, бу эса ишбилармон доира вакиллари ўртасидаги алоқаларни мустаҳкамлаш ва янги савдо битимларини рағбатлантиришга хизмат қилади.
Инвестицияларни ўзаро ҳимоя қилиш бўйича шартномаларнинг имзоланиши ҳар икки давлатда инвесторларни ҳимоя қилиш учун ҳуқуқий асос яратади, шунингдек, рискларни камайтиради ва кўпроқ сармояларни жалб қилишга ёрдам беради.
Қадимий Хива шаҳрига ташриф Ўзбекистон ва Мўғулистон ўртасидаги маданий ва туризм соҳасидаги ҳамкорликни янада кенгайтиришнинг бошланғич нуқтаси бўлади. Шунингдек, маданий меросни асраб-авайлаш ва тарғиб қилиш, таълим ва илмий дастурларни ишлаб чиқишда ўзаро тажриба алмашишда янги ташаббусларга туртки бўлади.
Шу тариқа, Мўғулистон Президентининг Ўзбекистонга буюрган давлат ташрифи нафақат мамлакатлар ўртасидаги дўстона муносабатларни мустаҳкамлаш, балки сиёсий, иқтисодий, маданий ва туризм соҳаларида ҳамкорликни чуқурлаштириш йўлидаги муҳим қадам бўлди.
Ишончим комилки, имзоланган келишувларнинг амалга оширилиши ҳар икки давлатнинг барқарор ва ўзаро манфаатли ривожланишига хизмат қиладиган аниқ амалий натижаларга олиб келади.
