Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Ўш шаҳрида Заҳириддин Муҳаммад Бобур номидаги давлат академик ўзбек мусиқали драма театрининг капитал таъмирланган биносининг тантанали очилиш маросими бўлиб ўтди

Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Ўш шаҳрида Заҳириддин Муҳаммад Бобур номидаги давлат академик ўзбек мусиқали драма театрининг капитал таъмирланган биносининг тантанали очилиш маросими бўлиб ўтди

24 апрель куни Заҳириддин Муҳаммад Бобур номидаги Ўш давлат академик ўзбек мусиқали драма театрининг капитал таъмирланган биносининг фойдаланишга топшириш маросими бўлиб ўтди, деб хабар бермоқда «Дунё» АА мухбири.

Тадбирга Маданият ва туризм вазири Озодбек Назарбеков бошчилигидаги Ўзбекистон делегацияси иштирок этди.

Икки қўшни халқ санъат, театр, ижод аҳли, олимлар ҳамда кенг жамоатчилик вакиллари иштирокида бўлиб ўтган тантанали тадбирда Қирғистон расмий вакиллари Қирғиз ҳукумати ва халқи номидан Ўзбекистон Президенти Шавкат Мирзиёевга театрни таъмирлашда кўрсатилган ёрдам учун миннатдорлик билдирди. Шунингдек, ушбу қўллаб-қувватлаш икки мамлакат ўртасидаги дўстлик алоқаларини янада мустаҳкамлашга хизмат қилиши қайд этилди.

Хусусан, Қирғизистон Вазирлар Маҳкамаси раисининг ўринбосари Эдиль Байсалов ўз нутқида мазкур театр икки давлат раҳбарларининг сиёсий иродаси ва узоқни кўра билиши туфайли эришилган тарихий яқинлашиш ва Қирғизистон ва Ўзбекистон халқлари ўртасидаги муносабатларнинг алоҳида илиқлиги даврида очилганини таъкидлади.

«Рамзий аҳамияти шундаки, ушбу тадбир икки мамлакат ўртасида дипломатик муносабатлар ўрнатилганининг 30 йиллиги тадбирлари доирасида бўлиб ўтмоқда, - деди у. - Халқларимизни дўстлик ва қардошлик ришталари боғлаб туради. Бугун икки давлат етакчилари жадал ривожланиш ва миллий юксалиш, ўзаро чуқур ижтимоий-иқтисодий, маданий-гуманитар интеграцияга киришдилар. Ушбу театр ҳам икки томонлама маданий алоқаларни ривожлантиришда кўприк бўлиб хизмат қилади».

Ўзбекистон делегацияси раҳбари, маданият ва туризм вазири Озодбек Назарбеков ўз чиқишида театр санъати ихлосмандларини янгиланган маданият гўшаси билан табриклади.

«Бугун улуғ ва тарихий кун, ҳар бир ўзбек ва қирғиз қалбида бир умр қоладиган дамлар. Чунки Заҳириддин Муҳаммад Бобур номидаги Ўш давлат академик ўзбек мусиқали драма театри 100 йилдан ошиқ вақтдан бери халқларимиз маданий алоқаларини мустаҳкамлашга хизмат қилиб келмоқда, - деди Ўзбекистон маданият ва туризм вазири.- Бугунги кун Ўзбекистон Президентининг сиёсий иродаси туфайли ўтган 5-6 йил мобайнида икки халқ манфаатлари йўлида қилинган жуда катта ислоҳотларнинг натижаси дейишимиз мумкин. Ижодкор сифатида мен учун ҳам бу театр жуда қадрли. Чунки бу ерда бир неча маротаба концерт берганман. Бундан кейин ҳам ушбу саҳнада ўзбек санъатини тарғиб этишда давом этамиз».

Тантанали очилиш маросимида сўзга чиққан «Турксой» Бош котиби Султон Раев Қирғизистонда театр санъати ривожига қўшган ҳиссаси учун Ўзбекистон раҳбариятига ва халқимизга миннатдорлик билдирди. Шунингдек, ушбу театрнинг очилиши ўзбек ва қирғиз халқлари ўртасидаги дўстлик рамзи бўлиб қолиши ҳамда икки қардош халқ манфаати учун узоқ вақт хизмат қилиши қайд этилди.

Очилиш тадбирида қурилиш-таъмирлаш ишларини сифатли ва белгиланган муддатларда якунлаган ўзбекистонлик қурувчиларнинг хизматлари алоҳида эътироф этилиб, уларга миннатдорчилик билдирилди, илғор қурувчиларга совға-саломлар топширилди.

Қурилиш-таъмирлаш ишлари амалга оширилиши билан Ўш давлат академик ўзбек мусиқали драма театри биноси бутунлай янгича қиёфага, замонавий, кўркам, муҳташам кўринишга эга бўлди. Ижодий жамоа ҳамда томошабинлар учун зарур барча шароитлар яратилди.

Тадбир қирғизистонлик санъат усталари, бадиий жамоалар томонидан катта концерт дастури ҳамда кирғиз ва ўзбек театр артистлари иштирокида саҳналаштирилган «Айрилиқ» спектакли намойиши билан якунланди.
БИШКЕК, 26 апрель. /«Дунё» АА/