Ўзбекистон – БАА: қўшма лойиҳаларни амалга оширишни тезлаштириш масалалари муҳокама қилинди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Бош вазири ўринбосари, инвестициялар ва ташқи савдо вазири С.Умурзоқов Бирлашган Араб Амирликларининг ҳукумат ва келажак ишлари бўйича вазири Муҳаммад бин Абдулла ал-Гергави билан видеоконференция шаклида музокаралар ўтказди, деб хабар бермоқда “Дунё” АА мухбири.
Инвестициялар ва ташқи савдо вазирлиги хабарида қайд этилишича, мулоқот давомида Ўзбекистон Республикасида давлат бошқаруви самарадорлигини ошириш дастури доирасидаги икки томонлама ҳамкорликнинг бориши муҳокама қилинди. Икки давлат тегишли вазирлик ва идораларининг мувофиқлаштирилган ҳамда тизимли ишлари натижасида ўзаро ҳамкорликнинг барча – 22 йўналиши бўйича сезиларли ютуқларга эришилгани қайд этилди.
Ўтган йилнинг апрель ойидан бошлаб ушбу дастур доирасида 76 тадбир, шу жумладан Ўзбекистон вазирлик ва идоралари вакиллари учун умумий давомийлиги 33 минг 994 соат бўлган 59 та ихтисослаштирилган семинарлар ўтказилди. Унда 2 минг 94 киши ўқитилди. Жорий йил якунига қадар яна 71 та тадбир ўтказиш режалаштирилган.
Онлайн учрашувда молия, савдо, туризм ва бизнес-инкубаторларни ривожлантириш соҳаларида икки томонлама ҳамкорлик дастурларини кенгайтириш истиқболлари кўриб чиқилди.
Мукофот жамғармаси 100 минг доллар бўлган энг яхши давлат мобил иловасини яратиш бўйича “mGovAward” танловининг финал босқичини ўтказиш ва “Бир миллион дастурчи” лойиҳасини кенгайтиришнинг амалий жиҳатлари муҳокама қилинди. Ушбу дастур БААнинг “Dubai Future Foundation” жамғармаси билан ҳамкорликда амалга оширилмоқда. Мамлакатдаги иштирокчилар сони 6 мингдан зиёд.
Учрашувда ҳукумат қарорига мувофиқ, мамлакатимиз мактаб ва олий ўқув юртларининг таълим дастурларига дастурлаш асосларини ўқитиш йўлга қўйилиши маълум қилинди.
Музокаралар кун тартибига мувофиқ, қўшма лойиҳаларни амалга оширишни жадаллаштириш ҳамда икки томонлама ҳамкорликни янада мустаҳкамлаш билан боғлиқ долзарб масалалар кўриб чиқилди.
Видеоконференция якуни бўйича томонлар мавжуд келишувларни амалга оширишни жадаллаштиришга содиқ эканликларини тасдиқлади. Ҳамкорлик ва долзарб масалаларни тезкор ҳал этиш учун турли даражадаги онлайн музокаралар амалиётини янада фаоллаштиришга келишиб олди.
“Дунё” АА
