Ўзбекистон Бош вазири ўринбосарининг Саудия Арабистонига ташрифи инвестициялар вазири билан учрашувдан бошланди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Кеча Ўзбекистон ҳукумати делегациясининг Саудия Арабистонига ташрифи доирасида Бош вазир ўринбосари – инвестициялар ва ташқи савдо вазири Сардор Умурзоқов Ар-Риёд шаҳрида Саудия Арабистони Подшоҳлигининг инвестициялар вазири Холид ал-Фалиҳ билан учрашди, деб хабар бермоқда ֿ«Дунё» АА мухбири.
Инвестициялар ва ташқи савдо вазирлиги маълумотига кўра, учрашув чоғида икки томонлама инвестициявий ва савдо-иқтисодий ҳамкорликнинг долзарб масалалари, шунингдек, Саудия Арабистони ҳукумати делегацияси шу йил январь ойида Ўзбекистонга амалга оширган ташрифи якунлари бўйича эришилган келишувларнинг ҳаётга татбиқ этилиши атрофлича муҳокама қилинди.
Суҳбат давомида энергетика, қишлоқ хўжалиги, кимё саноати, соғлиқни сақлаш, фармацевтика, туризм, транспорт ва логистика соҳаларида янги қўшма лойиҳаларни амалга ошириш истиқболлари муҳокама қилинди.
Энергетика ва унинг инфратузилмасини ривожлантириш соҳасига Саудия Арабистонининг қўшимча инвестицияларини жалб этиш имкониятларига алоҳида эътибор қаратилди. Таъкидланишича, жорий йилнинг март ойида «АCWА Power» компанияси директорлар кенгаши томонидан Ўзбекистон Республикасида электр энергиясини ишлаб чиқарувчи қувватларни ривожлантириш бўйича янги дастур тасдиқланган. Дастур Сирдарё вилояти ва Қорақалпоғистон Республикасида умумий миқдори 3 млрд долларга тенг бўлган қўшимча лойиҳаларни амалга оширишни назарда тутади.
Хорижий томон Саудия Арабистони йирик компанияларининг иқтисодий ва инвестициявий салоҳияти юқори бўлган мамлакат сифатида Ўзбекистонга қизиқишини таъкидлаб, Саудия Арабистони инвестицияларини қўшимча лойиҳаларни амалга оширишга жалб этиш бўйича яқиндан ҳамкорлик қилишга тайёрлигини билдирди. Шу ўринда жорий йилнинг май-июнь ойлари давомида ишбилармон доираларнинг ўзаро ташрифларини ташкил этиш ва Тошкент, Ар-Риёд ва Жидда шаҳарларида қўшма бизнес-форумлар ўтказиш бўйича келишувга эришилди.
Икки мамлакат ўртасида мунтазам тўғридан-тўғри йўловчи авиақатновини йўлга қўйиш орқали ўзаро сайёҳлар оқимларини кўпайтириш масалалари ҳам муҳокама қилинди. Хусусан, ҳар икки йўналишда ҳам зиёрат туризмини ривожлантиришнинг салмоқли салоҳияти мавжудлиги қайд этилиб, томонлар ушбу йўналишдаги ҳамкорликни янада фаоллаштиришга келишиб олдилар.
Тадбир якунида устувор йўналишлар бўйича ҳамкорликни янада чуқурлаштириш юзасидан амалдаги саъй-ҳаракатлар хусусида келишиб олинди.
/«Дунё» АА/.
