Ўзбекистон Бош вазирининг ўринбосари Қозоғистон савдо ва интеграция вазири билан иқтисодий ҳамкорликни янада жадаллаштириш масалаларини муҳокама қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Бош вазирининг ўринбосари - инвестициялар ва ташқи савдо вазири Сардор Умурзоқов кеча Қозоғистон савдо ва интеграция вазири Бахит Султанов бошчилигидаги делегация билан кенгайтирилган учрашув ўтказди, деб хабар бермоқда «Дунё» АА мухбири.
Инвестициялар ва ташқи савдо вазирлиги маълумотига кўра, учрашувда икки мамлакатнинг асосий вазирлик ва идоралари раҳбарлари иштирок этди.
Мулоқот давомида Ўзбекистон-Қозоғистон иқтисодий ҳамкорлигининг бугунги ҳолати ва истиқболлари муҳокама қилинди. Суҳбатда инвестициявий муносабатлар, савдо, саноат кооперацияси ҳамда транспорт ва логистика соҳасидаги ҳамкорликка оид кенг кўламли масалаларга тўхталди.
Саноат кооперацияси йўналишида қўшма лойиҳалар сонини кўпайтириш бўйича ишларни жадаллаштиришнинг долзарблиги қайд этилди. Томонлар агросаноат мажмуаси, машинасозлик, тўқимачилик, озиқ-овқат, металлургия ва фармацевтика тармоқларида бугунги кунда кўриб чиқилаётган қатор лойиҳаларни муҳокама қилиб, янги лойиҳавий таклифларни ишлаб чиқиш мақсадида турли соҳаларда мавжуд бўлган салоҳият ва ишга солинмаган имкониятларни ўрганишга келишдилар.
Ҳудудлараро ҳамкорликни фаоллаштиришга урғу берилди. Яқин келажакда янги инвестициявий битимлар ва савдо шартномаларини ишлаб чиқиш мақсадида Ўзбекистон ва Қозоғистон вазирликлари, идоралари, тармоқ бирлашмалари ва вилоятлар маъмуриятлари раҳбарларидан иборат делегацияларнинг ўзаро ташрифларини ташкил этишга келишиб олинди.
Жорий йилнинг ноябрь ойида Ўзбекистон Республикаси ва Қозоғистон Республикаси ўртасида Ҳудудлараро ҳамкорлик форумини, шунингдек, жорий йилнинг охиригача Ўзбекистон-Қозоғистон ишбилармонлар Кенгашининг кенгайтирилган йиғилиши ва икки мамлакат ишбилармон доиралари вакиллари иштирокида бизнес – форум ташкил этилиши муҳокама қилинди.
Икки томонлама савдони ривожлантиришга алоҳида эътибор қаратилди. Томонлар ушбу соҳадаги қатор масалаларни кўриб чиқиб, шу ойда савдо-иқтисодий ҳамкорликни ривожлантириш бўйича қўшма Ишчи гуруҳларининг навбатдаги учрашувларини ташкил этишга келишиб олдилар. Бу икки мамлакатнинг тегишли вазирлик ва идораларининг ўзаро ҳамкорлигини фаоллаштириш имконини беради.
Шунингдек, учрашув чоғида транспорт соҳасида қўшма инфратузилмавий лойиҳаларни амалга ошириш билан боғлиқ қатор масалалар ҳамда божхона тартиб-таомилларини соддалаштириш ва икки мамлакатнинг транзит салоҳиятини ошириш бўйича устувор вазифаларга тўхталиб ўтилди.
Учрашув якунида муҳокама қилинган ҳамкорлик йўналишлари доирасида биргаликда фаолият юритиш учун навбатдаги тадбирлар белгиланди.
«Дунё» АА
