Ўзбекистон Бош вазирининг ўринбосари ҳамда Россия саноат ва савдо вазири инвестициялар ва саноат соҳаларида икки томонлама ҳамкорликни ривожлантиришнинг янги имкониятларини муҳокама қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Кеча Москва шаҳрида Ўзбекистон Бош вазирининг ўринбосари – инвестициялар ва ташқи савдо вазири Сардор Умурзоқов Россия саноат ва савдо вазири Денис Мантуров билан учрашди, деб хабар бермоқда Дунё АА мухбири.
Инвестициялар ва ташқи савдо вазирлиги хабарига кўра, мулоқот чоғида инвестициялар ва саноат кооперацияси соҳасида Ўзбекистон – Россия ҳамкорлиги, қатор истиқболли инвестициявий лойиҳалар ишлаб чиқилиши ҳамда қўшма тадбирларга тайёргарликнинг жорий ҳолати билан боғлиқ масалалар муҳокама қилинди.
Суҳбат давомида томонлар фармацевтика, металлургия, машинасозлик, авиасозлик ва иқтисодиётнинг бошқа соҳаларида истиқболли лойиҳаларни шакллантиришга катта эътибор қаратдилар. Шу билан бирга, улар кун тартибидаги икки тарафлама масалаларни муҳокама қилди ҳамда икки мамлакатнинг тегишли вазирликлари, идоралари ва хусусий сектор компаниялари даражасида ҳамкорликни ривожлантиришга оид навбатдаги тадбирларни белгилаб олди.
Ўзбекистон ва Россия корхоналари ўртасида, жумладан, тўқимачилик саноати, қишлоқ хўжалиги, логистика ва бошқа соҳаларда саноат кооперациясини чуқурлаштириш имкониятлари ҳам кўриб чиқилди.
Ўзбекистон вазирликлари, идоралари ва ҳудудий маъмуриятлари делегацияларининг Россия ҳудудларига режалаштирилган ташрифлари чоғида икки томонлама янги инвестиция ва савдо битимларини биргаликда ишлаб чиқишни фаоллаштириш бўйича келишувга эришилди.
Ўзбекистон Инвестициялар ва ташқи савдо вазирлиги ҳамда Россия Саноат ва савдо вазирлиги ўртасида ташкил этилган Лойиҳа офиси доирасида янги қўшма лойиҳа ва дастурларни амалга ошириш масалалари атрофлича муҳокама этилди.
5,8 миллиард долларлик 104 та лойиҳани ўз ичига олган Саноат кооперацияси соҳасидаги ҳамкорлик дастурини ҳаётга татбиқ этишда биргаликда амалга оширилган ишлар сарҳисоб қилинди ва навбатдаги тадбирлар белгиланди.
Томонлар, шунингдек, илгари маъқулланган Амалиёт ва ўқув дастури асосида Россия Саноат ва савдо вазирлигида тармоқлар саноатини ривожлантириш соҳаси бўйича Ўзбекистон давлат хизматчилари малака оширишларини жадаллаштиришга келишиб олди.
Бундан ташқари, Минтақалараро ҳамкорликнинг II Форуми, «ХХЮК» Бутунроссия кўргазма маркази ҳудудидаги 66-павильонда Ўзбекистон кўргазма-маданий марказининг очилиши, Москва шаҳрида «Ўзбекистонда ишлаб чиқарилган» маҳсулотлар Миллий кўргазмаси, шунингдек, Медиа Форуми ва Таълим Форуми каби қўшма тадбирларни ташкил этиш ва ўтказиш билан боғлиқ масалалар муҳокама қилинди.
Учрашув якунлари бўйича томонлар белгиланган муддатларда аниқ натижаларга эришиш мақсадида ўзаро манфаатлар кесишаётган барча соҳаларда фаол ва тизимли иш олиб боришга содиқлик билдирди.
Дунё АА
