Ўзбекистон Бош вазирининг ўринбосари Токиода Япония ташқи ишлар вазири билан учрашди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Бош вазирининг ўринбосари - инвестициялар ва ташқи савдо вазири Сардор Умурзоқов бугун Токио шаҳрида Япония ташқи ишлар вазири Ёсимаса Хаяши билан учрашди, деб хабар қилмоқда “Дунё” АА мухбири.
Инвестициялар ва ташқи савдо вазирлиги маълумотига кўра, бўлиб ўтган мулоқот икки мамлакат ўртасидаги сиёсий, савдо-иқтисодий, инвестициявий, маданий-гуманитар ҳамкорликни янада фаоллаштириш ва кенгайтириш масалалари, шунингдек, икки ва кўп томонлама ҳамкорлик доирасида қўшма ташаббусларни амалга оширишнинг жорий ҳолатини муҳокама қилишга бағишланди.
Сўнгги йилларда мамлакатларимиз ўртасидаги муносабатлар юксак ишонч ва ўзаро англашув билан ажралиб турадиган янги босқичга кўтарилгани, бу икки томонлама ҳамкорликнинг янги механизмларини жорий этиш ва янги йўналишларда яқин алоқаларни ўрнатиш имконини бергани таъкидланди.
Сиёсат, инвестициялар, савдо, молия, саноат, соғлиқни сақлаш, таълим ва инновация соҳаларида конструктив мулоқотни кенгайтиришга ўзаро тайёрлик билдирилди.
Ушбу ойда бўлиб ўтган “Марказий Осиё + Япония” Мулоқоти доирасидаги ташқи ишлар вазирларининг 8-йиғилишининг мазмун-моҳияти таъкидлаб ўтилди. Тадбир давомида унинг иштирокчилари ҳамкорликни янада кенгайтириш ва ўзаро ҳамкорлик кун тартибини Мулоқотда иштирок этувчи мамлакатларнинг барқарор ривожланишини таъминлашга йўналтирилган минтақавий аҳамиятга молик ўзаро манфаатли ва кўп томонлама лойиҳалар билан бойитиш юзасидан таклифлар алмашиш имкониятига эга бўлди.
Энергетика, қишлоқ хўжалиги, соғлиқни сақлаш, хусусий секторни ривожлантириш ва ижтимоий қўллаб-қувватлаш соҳаларида қўшма лойиҳаларни амалга ошириш жараёни кўриб чиқилди ҳамда юзага келаётган барча масалалар бўйича ўзаро мақбул ечимлар ишлаб чиқилди.
Учрашув якунида томонлар икки мамлакат ўртасида сиёсий, иқтисодий, молиявий ва техник, маданий ҳамкорликни илгари суриш мақсадида мулоқотни давом эттиришга келишиб олди.
“Дунё” АА
