Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Ўзбекистон Бош вазирининг ўринбосари ва ОТБ вице-президенти ҳамкорликнинг иқтиқболли йўналишларини муҳокама қилдилар

Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O'zbekiston Respublikasi Prezidenti saylovlari O’zbekiston Respublikasi Prezidenti saylovlari Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Ўзбекистон Бош вазирининг ўринбосари ва ОТБ вице-президенти ҳамкорликнинг иқтиқболли йўналишларини муҳокама қилдилар

Ўзбекистон Бош вазирининг ўринбосари - инвестициялар ва ташқи савдо вазири Сардор Умурзоқов Осиё тараққиёт банки (ОТБ) вице-президенти Ашок Лавас билан учрашди, деб хабар бермоқда «Дунё» АА мухбири

Инвестициялар ва ташқи савдо вазирлиги маълумотига кўра, учрашув чоғида Ўзбекистон ва ОТБ ўртасидаги икки томонлама ҳамкорликнинг бугунги ҳолати ҳамда уни кенгайтириш истиқболлари муҳокама қилинди.

ОТБ раҳбарияти сўнгги йилларда Ўзбекистонда иқтисодиётнинг деярли барча тармоқларида хусусий секторнинг ролини мустаҳкамлаш учун кенг имкониятлар яратилганини маълум қилди. Шу муносабат билан хусусий сектор лойиҳаларини, айниқса, аёллар ва ёшлар тадбиркорлигини қўллаб-қувватлаш учун Банк ресурсларини жалб қилишни кенгайтириш масалалари муҳокама қилинди.

Томонлар инфратузилмани ривожлантириш, соғлиқни сақлаш, таълим ва ижтимоий соҳаларда давлат-хусусий шериклик механизмларидан фойдаланган ҳолда қўшма лойиҳаларни кўриб чиқдилар. Ашок Лаваса Банк давлат-хусусий шериклиги (ДХШ) соҳасидаги ҳамкорликни кенгайтиришдан манфаатдор эканлигини таъкидлади. ДХШ механизмларидан фойдаланган ҳолда Тошкент шаҳри ва Тошкент вилоятидаги мактаб ва бошқа муассасаларни модернизация қилиш, шунингдек, Андижон ва Бухорода кўп тармоқли шифохоналар қуриш лойиҳаларининг ҳамкорлик кун тартибига киритилгани бундан далолат беради.

Учрашув давомида амалдаги лойиҳаларни илгари суриш, транспорт, электр энергияси ва соғлиқни сақлаш соҳаларида лойиҳаларни амалга ошириш учун давлат-хусусий шериклиги механизмини ишлаб чиқиш ва жорий этишга ОТБ мутахассисларини жалб қилиш, Ўзбекистонда тижорат банкларига тақдим этилаётган кредит линиялари ҳажмини кенгайтириш бўйича чора-тадбирлар келишиб олинди.

Шунингдек, алоҳида лойиҳа ва ташаббуслар билан боғлиқ масалалар, жумладан, мамлакатимиз ҳудудларидаги бошланғич мактабларни модернизация қилиш ва жиҳозлаш дастури, «Ўрта таълимда STEM (фан, технологиялар, муҳандислик ва математика) методологиясини жорий этиш» лойиҳаси, шунингдек, «We-Fi» тадбиркор аёлларни қўллаб-қувватлаш дастури кўриб чиқилди.

Учрашув якунида вице-президент Ашок Лавас ОТБ президентининг банк президенти, вице-президентлари ва ОТБ Директорлар кенгаши аъзоларининг иш ҳақи даражасини белгиловчи ОТБнинг мукофотлаш бўйича қўмитаси раиси лавозимига Ўзбекистондан Бошқарувчи номзодини кўрсатиш тўғрисидаги қарори ҳақида маълум қилди. Илгари бу лавозим анъанавий равишда G20 мамлакатлари вакиллари томонидан эгаллаб келинган.

«Дунё» АА