Ўзбекистон Божхона қўмитаси вакиллари Жаҳон божхона ташкилотининг навбатдаги сессиясида иштирок этмоқда
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

Ўзбекистон Божхона қўмитаси ходимлари 21-31 май кунлари Жаҳон божхона ташкилотининг Брюссель шаҳридаги бош қароргоҳида бўлиб ўтаётган Уйғунлашган тизимнинг 64-сессиясида иштирок этяпти, деб хабар қилмоқда "Дунё" АА мухбири.
Сессияда Жаҳон божхона ташкилотига аъзо давлатларнинг таклифлари бўйича Ташқи иқтисодий фаолият товар номенклатурасига тегишли ўзгартиришлар киритиш ва аъзо давлатлар ўртасида бир турдаги товарларга иккиламчи бўлган фикрларни бир тизимга келтириш масаласи кўриб чиқилмоқда.
Анжуман кун тартибига илк маротаба Ўзбекистон божхона хизмати томонидан Жаҳон божхона ташкилотига тақдим этилган "Энергетик" ичимликларга янги ТИФ ТН код рақами ажратилиши бўйича таклиф киритилган.
Уйғунлашган тизимга ўзгартиришилар киритиш юзасидан таклифлар асосан АҚШ, Европа Иттифоқи давлатлари, Хитой, Россия, Канада, Жанубий Корея, Япония каби давлатлардан илгари сурилган бўлса, энди Ўзбекистон ҳам ушбу рўйхатдан жой олмоқда. Бу ўз навбатида, Янги Ўзбекистоннинг божхона хизмати фаолияти ривожланган давлатлар даражасига кўтарилаётганидан далолат беради.
"Товарларни тавсифлаш ва кодлашнинг уйғунлаштирилган тизими тўғрисида"ги халқаро конвенция 1983 йил 14 июнда Брюсселда қабул қилинган. Ўзбекистон мазкур халқаро конвенцияга 1998 йил 29 августда қўшилган.