Ўзбекистон делегацияси Италиядаги халқаро чорвачилик кўргазмасида иштирок этди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Мамлакатимизнинг Римдаги элчихонаси кўмагида Ўзбекистон Ветеринария ва чорвачиликни ривожлантириш давлат қўмитаси, «Ўзбекчорванасл» агентлиги делегацияси 26-28 ноябрь кунлари Италияда бўлиб ўтган «Кремона» халқаро чорвачилик кўргазмасида иштирок этди, деб хабар бермоқда «Дунё» АА мухбири.
Жорий кўргазмада қатнашаётган 50 мингдан зиёд соҳа вакиллари 200 дан зиёд қишлоқ хўжалиги техника ва ускуналари, наслли қорамол, сутни соғиш, қайта ишлаш ва қадоқлаш технологиялари, биогаз ишлаб чиқариш, қуёш панеллари, автоматлаштириш, озуқа экинлари уруғлари ва ветеринария дори препаратлари етказиб берувчи компанияларининг маҳсулотлари билан танишиш имкониятига эга бўлди.
Кўргазма доирасида 70 га яқин турли тадбир, жумладан, жерси (Jersey), брауншвиц (Brownswiss), гольштейн (Holstein) ва қизил гольштейн (Red Holstein) зотларига мансуб 400 бош қорамол танлови ва аукциони ташкил этилди.
Тадбирнинг очилиш маросимида Италия қишлоқ хўжалиги, озиқ-овқат ва ўрмончилик вазири Стефано Патуанелли ушбу кўргазмада Италиянинг чорвачилик тармоғида муҳим инновация, барқарорлик ва ҳайвон саломатлиги бўйича эришилган ютуқлар ўрин олганини таъкидлади.
Ўзбекистон делегация аъзолари Италия қишлоқ хўжалиги, озиқ-овқат ва ўрмончилик вазири ўринбосари Жан Марко Чентинайо, «CremonaFiera» халқаро кўргазмаси президенти Роберто Билони билан учрашувлар ўтказди. Ўзбекистонда олиб борилаётган қишлоқ хўжалиги ва озиқ-овқат соҳасидаги изчил ислоҳотлар, мавжуд салоҳият ва қулай инвестиция муҳитини яратиш борасида амалга оширилаётган ислоҳотлар ҳақида маълумот берилди.
Мулоқотлар натижасида икки давлат ўртасида қишлоқ хўжалиги соҳасидаги ҳамкорликни ривожлантириш бўйича қўшма ишчи гуруҳи ташкил этиш ҳамда келгуси йилда Италия қишлоқ хўжалиги компаниялари делегациясининг Ўзбекистонга амалий сафарини ташкил этиш бўйича келишувга эришилди.
Халқаро кўргазма доирасида Навоий ва Хоразм тадбиркорлариамда Италия компаниялари ўртасида замонавий чорвачилик ускуналарини етказиб бериш бўйича шартномалар имзоланди.
Ўзбекистон делегациясининг Италияга ташрифи давомида БМТ Қишлоқ хўжалигини ривожлантириш халқаро жамғармасининг Ўзбекистонга масъул директори Фиди Ражонсон билан ҳам учрашув ташкил этилди. Мазкур жамғарма иштирокида амалга оширилаётган «Ўзбекистонда сутчилик тармоғида қўшилган қиймат занжирини ривожлантириш» лойиҳаси самарадорлигини ошириш ҳамда келгусида чорвачилик тармоғида янги лойиҳаларни амалга ошириш юзасидан фикр алмашилди.
Жорий йил декабрь ойида БМТ Қишлоқ хўжалигини ривожлантириш халқаро жамғармаси миссиясининг Ўзбекистонга ташрифи доирасида чорвачилик тармоғида хусусий инвестицияларни жалб қилиш мавзусига бағишланган амалий семинар ташкил этиш режалаштирилди.
Ўзбекистон вакилларининг «Italcarni Srl» компанияси раҳбари Антонио Бова билан мулоқоти чоғида мамлакатимизда чорвачилик мажмуасини ташкил этиш, гўштни қайта ишлашга йўналтирилган лойиҳани амалга ошириш юзасидан ўзаро фикр алмашилди. Музокаралар якунида 2022 йил март ойида ушбу компания вакилларининг Ўзбекистонга сафарини ташкил этишга келишиб олинди.
«Дунё» АА
