Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Ўзбекистон элчиси Қирғизистон Президентига ишонч ёрлиқларини топширди

2020 - Фаол инвестициялар ва ижтимоий ривожланиш йили 2020 - Фаол инвестициялар ва ижтимоий ривожланиш йили O‘zbekiston Respublikasi Prezidentining qarori O‘zbekiston Respublikasi Prezidentining qarori Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi Parlament saylovlari 2019 yil Parlament saylovlari 2019 yil O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Ўзбекистон элчиси Қирғизистон Президентига ишонч ёрлиқларини топширди

Ўзбекистоннинг Фавқулодда ва мухтор элчиси Хуршид Мирзоҳидов кеча Қирғизистон Президенти Садир Жапаровга ишонч ёрлиқларини топширди, деб хабар бермоқда «Дунё» АА мухбири.

Тантанали маросим «Ала-Арча» давлат қароргоҳида бўлиб ўтди.

Тадбирдан сўнг бўлиб ўтган суҳбат чоғида Қирғизистон раҳбари ўзининг жорий йил март ойида Ўзбекистонга буюрган давлат ташрифи ва Президент Шавкат Мирзиёев билан музокаралари муваффақиятли ўтганига, бунинг натижасида муҳим келишувларга эришилгани ва ҳар икки томон манфаатларига жавоб берадиган қатор ҳужжатларнинг имзоланганига алоҳида урғу берди.

Қирғизистон ва Ўзбекистон ўртасидаги муносабатларнинг ҳозирги юқори ўсувчанлиги нафақат икки мамлакат қардош халқларининг янада фаровонлигига, балки бутун Марказий Осиё минтақаси хавфсизлиги ва барқарорлигини мустаҳкамлашга хизмат қилиши қайд этилди.

Ҳар икки томон «Хитой–Қирғизистон–Ўзбекистон» темир йўли қурилиши лойиҳасини амалга ошириш, шунингдек, иқтисодий фойдали йўналишлар бўйлаб мультимодаль ташувларга катта аҳамият бермоқда.

Қирғизистон Президенти коронавирус пандемияси вақтида гуманитар ва техникавий ёрдам кўрсатгани учун қардош Ўзбекистон раҳбарияти ва халқига миннатдорлик билдирди.

Эслатиб ўтамиз, элчи Хуршид Мирзоҳидов 2020 йил 31 май куни Бишкекка борган ва 15 июнь куни Қирғизистон ташқи ишлар вазирига ишонч ёрлиқларининг нусхасини топширган эди.

Хуршид Мирзоҳидов бунга қадар Ўзбекистон ахборот технологиялари ва коммуникацияларини ривожлантириш вазири, Миллий телерадиокомпанияси раиси, Транспорт вазирлиги ҳузуридаги Автомобиль йўллари қўмитаси раисининг ўринбосари лавозимларида ишлаган.

Ундан олдин мамлакатимизнинг Қирғизистондаги элчиси лавозимида Комил Рашидов фаолият кўрсатган.

«Дунё» АА