Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Ўзбекистон - Исроил божхона идоралари ўртасида ахборот алмашуви йўлга қўйилади

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Ўзбекистон - Исроил божхона идоралари ўртасида ахборот алмашуви йўлга қўйилади

Давлат божхона қўмитаси раиси Акмалхўжа Мавлонов бошчилигидаги Ўзбекистон делегацияси БМТ Наркотиклар ва жиноятчилик бўйича бошқармаси ҳамда Жаҳон Божхона ташкилотининг «Контейнерда ташувларни назорат қилиш» глобал дастури доирасида амалий сафар билан Исроилда бўлиб турибди, деб хабар бермоқда «Дунё» АА мухбири.

Мамлакатимизда олиб борилаётган фаол ташқи сиёсат натижасида кўплаб давлатлар билан ўзаро ҳамкорлик янги босқичга кўтарилди. Хусусан, юртимиз делегациясининг Исроилда юқори савияда кутиб олингани ҳам бунинг яққол исботидир.

Исроил божхона бошқармаси мамлакат солиқ маъмурияти таркибидаги тузилма ҳисобланиб, ушбу давлатнинг ташқи савдо сиёсатини белгилайди. Импорт ва экспорт жараёнларининг қонунийлигини таъминлайди. Бунда ноқонуний ҳатти-ҳаракатларнинг олдини олишга алоҳида эътибор қаратиши диққатга сазовор. Исроил ҳозирга қадар 13 та мамлакат билан эркин савдо шартномаларини, 33 та давлат, шу жумладан, Ўзбекистон билан божхона масалалари бўйича ҳамкорлик шартномаларини имзолаган. Исроил божхонасида «Global Gate» ҳамда Ягона ойна — «Мaслул» каби илғор ахборот тизимлари жорий этилган.

Хусусан, Исроил божхонаси маъмурий биносида Ўзбекистон делегация аъзолари учун ушбу мамакат божхона хизмати фаолияти билан яқиндан таништиришга бағишланган алоҳида семинар ташкил қилинди.

Тадбирда, шунингдек, Ўзбекистон Вазирлар Маҳкамаси ҳузуридаги Наркотик моддаларни назорат қилиш миллий ахборот-таҳлил маркази директори Олим Нарзуллаев ва мамлакатимиз элчиси Феруза Маҳмудова иштирок этди.

Семинарда Исроилда божхона тизими иш жараёни ва ўзига хос хусусиятлари тақдим қилинди.

Ташриф доирасида, шунингдек, Исроил божхона хизмати бош директори Кфир Хен билан учрашув бўлиб ўтди.

Бугунги кунда Ўзбекистон билан Исроил давлати ўртасидаги товарларнинг ташқи савдо айланиши ҳажмида ўсиши кузатилмоқда. Ўзбекистондан Исроилга кўпроқ тўқимачилик, мева-сабзавот ва фармацевтика маҳсулотлари экспорт қилинган.

Иккала мамлакат ўртасида ташқи савдони янада рағбатлантириш божхона идораларининг ўзаро изчил ҳамкорлигини тақозо этади. Ҳозирги пайтда амалда бўлган Ўзбекистон ва Исроил ўртасида божхона масалаларида ўзаро ёрдам тўғрисидаги ҳукуматлараро битим бундан 24 йил муқаддам имзоланган ҳужжатдир. Бундан кўринадики, Исроил давлати билан ҳамкорликнинг ҳуқуқий асосларини ҳозирги давр талабларидан келиб чиққан ҳолда янада мустаҳкамлашга зарурат мавжуд.

Учрашувда мамлакатимиз делегацияси томонидан Ўзбекистон-Исроил божхона идоралари ўртасида ўзаро онлайн ахборот алмашувини йўлга қўйиш, икки томонлама статистик маълумотларни таққослаш, божхона қонунчилиги бузилишига қарши кураш ҳамда трансчегара ноқонуний молиявий операцияларининг олдини олиш бўйича (ФАТФ) ҳамкорлик келишувларини имзолаш таклифи илгари сурилди.

Шунингдек, хавфларни бошқариш, киберхавфсизлик, профайлинг ҳамда кадрлар салоҳияти ва уларнинг малакасини ошириш йўналишларида ҳамкорлик қилиш, мунтазам учрашувлар (масофавий) ўтказиш, Бен-Гурион аэропортига ўзбек божхоначиларини, Давлат божхона қўмитаси Ситуацион марказига эса Исроил божхоначиларининг хизмат сафарларини ташкил этиш юзасидан таклифлар билдирилди.

Томонлар олиб борилган музокаралар якунида ҳамкорлик тўғрисида баённома имзолашди.

Қўмита раиси Акмалхўжа Мавлонов Исроил божхонаси раҳбарини Ўзбекистонга таклиф қилди.

«Дунё» АА