Ўзбекистон компанияси Эронга АКT ва блокчейн хизматларини сотиш бўйича шартнома имзолади
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

«Яшнобод» инновацион технопарки резиденти «АQL EGALARI» МЧЖ Эроннинг «Amnpardaz Soft Coperation» компаниясига АКT ва блокчейн хизматларини сотиш бўйича шартнома имзолади, деб хабар бермоқда «Дунё» АА мухбири.
Инновацион ривожланиш вазирлиги маълумотига кўра, яқинда ўтказилган «InnoWeek.uz-2022» Халқаро инновацион ғоялар ҳафталиги доирасида Эроннинг «Amnpardaz Soft Coperation» компанияси ва «Яшнобод» инновацион технопарки резиденти «АQL EGALARI» МЧЖ ўртасидаги 1,5 миллион АҚШ долларига тенг инвестициявий келишув имзоланди.
«Amnpardaz Soft Coperation» компанияси 2005 йилдан бери Эронда веб-дастурий таъминотлар киберхавфсизлиги бўйича ишлаб келаётган, энг сўнгги антивирус дастурий тизимларига эга мамлакатдаги йирик IT-холдинг тузилмаси ҳисобланади. 200 дан ортиқ етакчи дастурчилар гуруҳидан иборат компаниянинг йиллик маблағ айланмаси 2 миллиард АҚШ долларини ташкил этади.
— «Amnpardaz Soft Coperation» компанияси билан имзоланган ушбу келишув етакчи IT-мутахассисларни бирлаштирган «Фарғона селикон водийси»ни ташкил этишга қаратилган мақсадимиз йўлида биринчи қадам бўлди, - деди «АQL EGALARI» компанияси асосчиси Алишер Абдумаликхон. - 2023 йил Фарғона вилоятининг Олтиариқ туманида 100 нафар IT-мутахассис яшаши ва ишлаши учун барча имкониятлар яратилган 5 гектар майдонни эгаллаган инновацион экотизим яратмоқчимиз.
«Дунё» АА